ઓસ્ટ્રેલિયાને વન-ડે વર્લ્ડ કપમાં સૌથી મોટી હારનો સામનો કરવો પડ્યો છે. લખનઉમાં સાઉથ આફ્રિકાએ ટીમને 134 રનના વિશાળ અંતરથી પરાજય આપ્યો હતો. આ પહેલાં 1983માં ભારતે ઓસ્ટ્રેલિયાને 118 રનથી હરાવ્યું હતું.
એકાના સ્ટેડિયમમાં ટૉસ હાર્યા બાદ દક્ષિણ આફ્રિકાની ટીમે પ્રથમ બેટિંગ કરી હતી અને 50 ઓવરમાં 7 વિકેટે 311 રન બનાવ્યા હતા. જવાબમાં ઓસ્ટ્રેલિયા 40.5 ઓવરમાં 177 રનમાં જ ઓલઆઉટ થઈ ગઈ હતી. દક્ષિણ આફ્રિકા તરફથી ઓપનર ક્વિન્ટન ડી કોકે સદી ફટકારી હતી, જ્યારે કાગિસો રબાડાએ 3 વિકેટ ઝડપી હતી.
સ્ટોઇનિસ ખોટા નિર્ણયનો શિકાર બન્યો
ઓસ્ટ્રેલિયાની છઠ્ઠી વિકેટ તરીકે માર્કસ સ્ટોઇનિસ આઉટ થયો હતો. કાગિસો રબાડાનો બોલ (18મી ઓવરનો ત્રીજો બોલ) લેગ સ્ટમ્પમાંથી બહાર નીકળી રહ્યો હતો. સ્ટોઇનિસે તેના પર બેટિંગ કરવાનો પ્રયાસ કર્યો. જ્યારે બોલ બેટની નજીકથી પસાર થતો હતો ત્યારે થોડો અવાજ સંભળાયો. દક્ષિણ આફ્રિકાના ખેલાડીઓએ અપીલ કરી હતી પરંતુ અમ્પાયરે તેને નોટઆઉટ જાહેર કર્યો હતો.
આ પછી રિવ્યુ લેવામાં આવ્યો હતો. રિવ્યુમાં થર્ડ અમ્પાયરે સ્નિકો મીટરમાં અવાજને કારણે સ્ટોઇનિસને આઉટ આપ્યો હતો. જો કે, બાદમાં રિપ્લે જોયા બાદ જાણવા મળ્યું કે બોલ બેટને નહીં પરંતુ સ્ટોઇનિસના ગ્લોવ્ઝમાં વાગ્યો હતો. અને જે સમયે બોલ ગ્લોવ્ઝ અડ્યો તે સમયે તે ગ્લોવ્ઝ તેના હાથ પર હતું જ નહીં.
