ઇક્વિટી માર્કેટની તેજી પર મ્યુચ્યુઅલ ફંડ સ્કીમ્સનો આધાર નથી!
ઇક્વિટી માર્કેટની મૂવમેન્ટ આધારિત મ્યુચ્યુઅલ ફંડની સ્કિમ્સમાં રોકાણકારોને નફો-નુકસાન મળે છે એવું જરૂરી નથી રહ્યું. કેમકે છેલ્લા કેટલાક સમયથી ઇક્વિટી માર્કેટમાં મજબૂતી છતાં અમુક મ્યુચ્યુઅલ ફંડ્સ સ્કિમ્સના રિટર્ન નકારાત્મક રહ્યાં છે. આવી મ્યુચ્યુઅલ ફંડ સ્કીમ એક વર્ષમાં 6 ગણી વધી છે, જેના રોકાણકારો નુકસાનીમાં છે. માર્કેટ રેગ્યુલેટર સેબીના વાર્ષિક રિપોર્ટ અનુસાર આ વર્ષે 31 માર્ચે પૂરા થયેલા નાણાકીય વર્ષ 2022-23માં 342 સ્કીમ્સને નુકસાન થયું છે.
2021-22માં આવી માત્ર 60 સ્કિમ્સ હતી. સેબીના તાજેતરના અહેવાલ મુજબ, આવી સ્કિમ્સ પણ 2022-23માં ઘટીને 595 થઈ ગઈ છે જેણે 5% કરતા વધુ વળતર આપ્યું હતું. એક વર્ષ પહેલા આવી સ્કિમ્સની સંખ્યા 898 હતી. અહેવાલમાં જણાવાયું છે કે દેશમાં મ્યુચ્યુઅલ ફંડ યોજનાઓનું પ્રદર્શન વર્તમાન બજારના વલણને અનુરૂપ છે. ઉદાહરણ તરીકે, 2021-22માં સેન્સેક્સ અને નિફ્ટીમાં લગભગ 17%નો વધારો થયો હતો.
