હમાસ સામાન્ય લોકોને ઢાલ તરીકે ઉપયોગ કરી શકે છે
ઇઝરાયલની સેના ટૂંક સમયમાં પોતાના 10 હજાર સૈનિકો સાથે ગાઝા પટ્ટીમાં ઘૂસણખોરી કરવા જઈ રહી છે. આ સૈનિકોને ગાઝા સિટી પર કબજો કરવા અને હમાસના નેતાઓના વિસ્તારોને સંપૂર્ણપણે નષ્ટ કરવાનો આદેશ આપવામાં આવ્યો છે. સૈન્યએ કહ્યું છે કે તેમનો ઉદ્દેશ્ય હમાસના ટોચના નેતાઓને ખતમ કરવાનો છે. આ ઓપરેશન 2006 પછી ઇઝરાયલનું સૌથી મોટું ગ્રાઉન્ડ ઓપરેશન હશે.
આ માટે ઇઝરાયલે શહેરી યુદ્ધ એટલે કે ખુલ્લા મેદાનોને બદલે શહેરી વિસ્તારોમાં લડવું પડશે. જ્યાં 20 લાખથી વધુ લોકો સાંકડી શેરીઓ વચ્ચે રહે છે. આ પ્રકારનું યુદ્ધ શરૂ કરવાથી હમાસ બંધકોને મારી નાખશે એવો ડર પણ ઇઝરાયલને છે. તે જ સમયે, તે પેલેસ્ટાઈનના સામાન્ય લોકોનો એક ઢાલ તરીકે ઉપયોગ કરી શકે છે.
હિઝબુલ્લાહ ચૂપ નહીં રહે
ગાઝા સિટી પર કબજો કર્યા પછી ઇઝરાયલ શું કરશે તેની કોઈ માહિતી નથી. તો, જો ઇઝરાયલ મોટી કાર્યવાહી કરે છે, તો મધ્ય પૂર્વમાં યુદ્ધ ફેલાવાનો ભય છે. હિઝબુલ્લાએ પહેલેથી જ ધમકી આપી છે કે તે ચૂપ નહીં રહે. તેને ઈરાનનું સમર્થન પણ છે. આ લેબનોન તરફ વધુ એક મોરચો બનાવશે.
હમાસે તેના હજારો લડવૈયાઓને જમીનની નીચે ભૂગર્ભ ટનલ અને બંકરોમાં છુપાયેલા રાખ્યા છે. જ્યારે ઇઝરાયલની સેના આગળ વધશે ત્યારે તેઓ ચોક્કસ આ બંકરોનો નાશ કરશે. જેના કારણે ઇઝરાયલની સેનાને આગળ વધવામાં મુશ્કેલી પડશે.
