દુનિયાના 5 શક્તિશાળી દેશોનું ગ્રુપ બનાવી રહ્યા છે ટ્રમ્પ
અમેરિકી રાષ્ટ્રપતિ ડોનાલ્ડ ટ્રમ્પ ભારત, રશિયા, ચીન અને જાપાન સાથે એક નવો ગ્રુપ કોર ફાઈવ (C5) લાવવા પર વિચાર કરી રહ્યા છે. અમેરિકી વેબસાઈટ પોલિટિકો અનુસાર આ મંચ ગ્રુપ સેવન (G7) દેશોની જગ્યા લેશે.
G7 અમેરિકા, બ્રિટન, જર્મની, ફ્રાન્સ, કેનેડા, ઇટાલી અને જાપાન જેવા ધનિક અને લોકતાંત્રિક દેશોનું એક મંચ છે. જોકે ટ્રમ્પની ઇચ્છા શક્તિશાળી દેશોને લઈને એક નવો મંચ બનાવવાની છે.
જોકે હજુ સુધી આ વિશે સત્તાવાર રીતે કંઈ કહેવામાં આવ્યું નથી. પરંતુ પોલિટિકો અનુસાર C5 વાળો નવો વિચાર ખરેખરમાં નેશનલ સિક્યોરિટી સ્ટ્રેટેજીના એક લાંબા ડ્રાફ્ટમાં લખાયેલો હતો. આ ડ્રાફ્ટ જનતાને બતાવવામાં આવ્યો નથી.
પોલિટિકો એ પુષ્ટિ કરી શક્યું નથી કે આ લાંબો ડ્રાફ્ટ ખરેખર અસ્તિત્વમાં છે કે નહીં, પરંતુ અન્ય એક મીડિયા ડિફેન્સ વને તેની પુષ્ટિ કરી છે. એવી જાણકારી મળી નથી કે ટ્રમ્પે આ પહેલ માટે બાકીના 4 દેશો સાથે કોઈ વાત કરી છે.
