હમાસ કમાન્ડરોના માથા કાપીને સરહદ પર લટકાવો : રામાસ્વામી
અમેરિકાની રિપબ્લિકન પાર્ટી તરફથી રાષ્ટ્રપતિ પદના ઉમેદવાર બનવાની રેસમાં રહેલા વિવેક રામાસ્વામીએ કહ્યું- ઇઝરાયલે હમાસને ખતમ કરવા માટે પોતાની તમામ તાકાત વાપરવી જોઈએ. હમાસના 100 નેતાઓના માથા કાપીને ગાઝા સરહદ પર લટકાવી દેવામાં આવે. આ એ વાતનું પ્રતીક છે કે ઈઝરાયલ પર 7 ઓક્ટોબર જેવો હુમલો ફરી ન થઈ શકે. આ પછી જ ઇઝરાયલે તેની સરહદ પર સંરક્ષણ મજબૂત બનાવવું જોઈએ.
તેમણે કહ્યું- મને પૂરો વિશ્વાસ છે કે જો IDFને તક મળે છે, તો તે એકલા હાથે ઈઝરાયલની સુરક્ષા કરી શકે છે. હું અંગત રીતે આ ઓપરેશનની સફળતા માટે ઈચ્છું છું. ઇઝરાયલને પોતાનો બચાવ કરવાનો અને તેના અસ્તિત્વ માટે લડવાનો સંપૂર્ણ અધિકાર છે.
બીજી તરફ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે જાહેરાત કરી છે કે જો તેઓ ફરીથી રાષ્ટ્રપતિ તરીકે ચૂંટાશે તો તેઓ પહેલા દિવસથી જ મુસ્લિમો પર ટ્રાવેલ પ્રતિબંધ લાગુ કરશે. શનિવારે રિપબ્લિકન યહૂદી કોન્ફરન્સ દરમિયાન ટ્રમ્પે કહ્યું- અમે કટ્ટરપંથી ઈસ્લામિક આતંકવાદીઓને અમારા દેશમાંથી બહાર રાખીશું.
લાસ વેગાસમાં આ ઈવેન્ટ દરમિયાન ટ્રમ્પે કહ્યું- અમે અમારા મિત્ર અને ભાગીદાર ઈઝરાયલની એવી રક્ષા કરીશું જે રીતે પહેલા કોઈએ કરી નથી. હમાસ અને ઇઝરાયલ વચ્ચેનું યુદ્ધ વાસ્તવમાં અસંસ્કારીતા, ભ્રષ્ટાચાર પર શાલીનતા અને દુષ્ટતા પર સારાની લડાઈ છે.
