ચીનના 10 ફાઈટર જેટ એરસ્પેસમાં ઘુસ્યા
ચીનના ફાઈટર જેટ્સની પોતાની એરસ્પેસમાં ઘૂસણખોરીથી પરેશાન તાઈવાને રવિવારે પહેલીવાર પોતાની સ્ટાઈલમાં જવાબ આપ્યો. ચીનના 10 ફાઈટર જેટ તાઈવાન સ્ટ્રેટ પાર કરીને તાઈવાનની એરસ્પેસમાં પ્રવેશ્યા હતા.
તાઈવાનની એરફોર્સ એલર્ટ પર હતી. તેના ફાઈટર જેટ કાઉન્ટર પ્લાન હેઠળ ઉડાન ભરી હતી. બંને હવાઈ દળો વચ્ચે કોઈ મુકાબલો થયો ન હતો. ચીનના ફાઈટર જેટ થોડીવારમાં પાછા ફર્યા. તાઈવાનના સંરક્ષણ મંત્રાલયે આ સમાચારની પુષ્ટિ કરી છે.
તાઈવાનના રાષ્ટ્રપતિ સાઈઈંગ વેન એપ્રિલમાં અમેરિકાના પ્રવાસે ગયા હતા. અહીં એક સવાલના જવાબમાં તેમણે કહ્યું હતું કે ચીનની સામે ઘૂંટણિયે પડવાનું વિચારવું પણ અર્થહીન છે. ચીનના દાવા ગમે તે હોય, અમે અમારા હિતો સાથે સમાધાન નહીં કરીએ.
એક સવાલના જવાબમાં તાઈવાનના રાષ્ટ્રપતિએ કહ્યું હતું કે કોઈ દેશ નાનો હોય કે મોટો તેનાથી કોઈ ફરક પડતો નથી. તાઇવાન સારી રીતે જાણે છે કે ચીનનો સામનો કેવી રીતે કરવો અને તેની સરહદોની સુરક્ષા કેવી રીતે કરવી.
