પૂર્વ સ્પિનર અબ્દુલ કાદિરના પુત્ર પર બળાત્કારનો આરોપ
પાકિસ્તાનના પૂર્વ દિગ્ગજ લેગ સ્પિનર અબ્દુલ કાદિરના પુત્ર સુલેમાન કાદિર પર બળાત્કારનો આરોપ લાગ્યો છે. આ આરોપ તેમના ઘરે કામ કરતી હાઉસ મેડે લગાવ્યો છે.
પોલીસના જણાવ્યા અનુસાર, હાઉસ મેડે FIRમાં આરોપ લગાવ્યો છે કે તે સુલેમાન કાદિરના ઘરમાં કામ કરતી હતી અને આરોપીએ તેને જબરદસ્તી પોતાના ફાર્મહાઉસ લઈ જઈને તેની સાથે બળાત્કાર કર્યો.
મહિલાની ફરિયાદ બાદ પોલીસે સુલેમાન કાદિરને કસ્ટડીમાં લઈને પૂછપરછ શરૂ કરી દીધી છે.
એક પોલીસ અધિકારીએ જણાવ્યું કે ફરિયાદીને મેડિકલ તપાસ માટે મોકલવામાં આવી છે. તપાસ રિપોર્ટ આવ્યા બાદ યૌન શોષણની પુષ્ટિ કરવામાં આવશે. અધિકારીએ કહ્યું કે કાયદા હેઠળ આરોપીને પૂછપરછ માટે કસ્ટડીમાં લેવામાં આવ્યો છે.
