મહારાષ્ટ્ર સરકાર મરાઠા અનામત આપવા તૈયાર
મહારાષ્ટ્રમાં મરાઠા અનામતની માગને લઈને 25 ઓક્ટોબરથી ઉપવાસ કરી રહેલા મનોજ જરાંગે ગુરુવારે (2 નવેમ્બર) તેમના ઉપવાસ સમાપ્ત કર્યા. મનોજે સરકારને 2 જાન્યુઆરી 2024 સુધીનો સમય આપ્યો છે. આ પહેલા નિવૃત્ત જજ સુનીલ શુક્રે અને એમજી ગાયકવાડ મનોજને મળ્યા હતા. તેમણે મનોજને કહ્યું કે કાયમી અનામત આપવા માટે સરકાર કાયદેસર રીતે શું કરશે.
આ પછી 4 મંત્રીઓ ધનંજય મુંડે, સંદીપન ભુમરે, અતુલ સાવે, ઉદય સામંતનું એક પ્રતિનિધિમંડળ જરાંગેને મળ્યું અને ભૂખ હડતાળ સમાપ્ત કરવાની અપીલ કરી. તેમણે કાયમી મરાઠા અનામત આપવાનું વચન પણ આપ્યું. આ પછી મનોજ જરાંગે ઉપવાસ સમાપ્ત કરવાની જાહેરાત કરી.
બુધવારે મહારાષ્ટ્રમાં સીએમ એકનાથ શિંદેની અધ્યક્ષતામાં મળેલી સર્વપક્ષીય બેઠકમાં તમામ પક્ષો એ વાત પર સહમત થયા કે મરાઠા સમુદાયને અનામત મળવું જોઈએ. આ બેઠકમાં શરદ પવાર સહિત 32 પક્ષના નેતાઓએ ભાગ લીધો હતો.
