મોડી રાત્રે માંજલપુર સહિત સ્થળે વરસાદી ઝાપટાં પડ્યાં
શહેરમાં વેસ્ટર્ન ડિસ્ટર્બન્સની અસર ઓછી થતા જ ગરમીનો પારો 33 ડિગ્રીને પાર થઈ ગયો છે. જો કે મોડી રાત્રે માંજલપુર સહિત કેટલાંક વિસ્તારોમાં વરસાદી ઝાપટાં પડતાં ફરી ગરમીનો પારો ગગળ્યો હતો. જો કે હવામાન વિભાગ મુજબ ગુરૂવારે ગરમીનો પારો 34 ડિગ્રી નોંધાઈ શકે છે. બીજી તરફ શહેરના વાતાવરણમાં બુધવારે બપોર બાદ વાદળો જોવા મળ્યાં હતાં. ત્યારે આગામી બે દિવસ સુધી શહેરમાં વાદળછાયું વાતાવરણ રહે તેવી સંભાવના છે.
માર્ચમાં વડોદરામાં કરાં પડવાની ઘટના પ્રથમ વખત બની હતી. ઉનાળાની શરૂઆત માર્ચથી થતી હોય છે. પરંતું વેસ્ટર્ન ડિસ્ટર્બન્સના કારણે માર્ચમાં વરસાદ પડતા ગરમીનો પારો ઘટ્યો હતો. હવે એપ્રીલમાં ગરમી વધવાની સંભાવના છે. હવામાન વિભાગના ફોરકાસ્ટ મુજબ શહેરમાં 22 માર્ચના રોજ મહત્તમ તાપમાનનો પારો 33.4 ડિગ્રી અને લઘુત્તમ તાપમાનનો પારો 22.8 ડિગ્રી નોંધાયો હતો. ભેજનું પ્રમાણ સવારે 80 ટકા અને સાંજે 36 ટકા નોંધાયું હતું. જ્યારે દક્ષિણ-પશ્ચિમની દિશાથી 9 કિમીની ઝડપે પવનો ફુંકાયા હતાં.
