Jio સિનેમા પર ફ્રીમાં મૂવી જોઈ શકશો

રિલાયન્સ જિયોએ 999 રૂપિયામાં જિયો ભારત 4G ફીચર ફોન લોન્ચ કર્યો છે. આ દ્વારા કંપની એવા ગ્રાહકોને ટાર્ગેટ કરવા માગે છે જેઓ હજુ પણ 2G ફોનનો ઉપયોગ કરી રહ્યાં છે. કંપનીએ કહ્યું કે પહેલા 10 લાખ 'જિયો ભારત ફોન' માટે બીટા ટ્રાયલ 7 જુલાઈથી શરૂ થશે.

કંપનીએ આ ફોન માટે 123 રૂપિયાનો ટેરિફ પ્લાન પણ રજૂ કર્યો છે. તેમાં 14 જીબી ડેટા મળશે જે 28 દિવસ સુધી ચાલશે. એટલે કે દરરોજ 0.5 જીબી. આ સિવાય આ પ્લાનમાં અનલિમિટેડ કોલની સુવિધા પણ મળશે. યુઝર્સ ફોન દ્વારા UPI પેમેન્ટ કરી શકશે અને જિયો સિનેમા અને જિયો સાવન જેવી એન્ટરટેઈનમેન્ટ એપ્સનો પણ ઉપયોગ કરી શકશે.

ડિવાઈસમાં મળશે 3 પ્રી-ઈન્સ્ટોલ એપ્સ
ફોનમાં કોમ્પેક્ટ ડિઝાઇન છે અને 1.77-ઇંચની QVGA TFT સ્ક્રીન છે. તે 1000mAh રિમૂવેબલ બેટરી સાથે આવે છે. આ ડિવાઈસમાં ફક્ત જિયો સિમનો ઉપયોગ કરી શકાય છે. યુઝર્સને ડિવાઈસ પર પહેલાથી ઈન્સ્ટોલ કરેલી 3 જિયો એપ્સ મળશે.