એક મહિલાએ રેડીમેઈડ પાસ્તા અને મેક્રોની બનવાતી કંપની ક્રાફટ હૈઝ નામની કંપની પર 1 કે 2 લાખનો નહીં પરંતુ 40 કરોડથી વધારેના વળતરનો દાવો કર્યો છે. મહિલાએ દાવો કર્યો છે કે, કંપનીએ મેક્રોની અને ચીઝ પાસ્તાને બનાવવા માટે 3.5 મિનિટનો સમય આપ્યો હત. તે સમયમાં પાસ્તા બન્યા ન હતા. તેથી મહિલાએ ફૂડ કંપની સામે ગેરમાર્ગે દોરનારી અને ખોટી જાહેરાતનો આરોપ લગાવતા કેસ દાખલ કર્યો હતો. આ સમગ્ર ઘટના અમેરિકાની છે.
3.5 મિનિટમાં પાસ્તા ન થયા તૈયાર
વોશિંગ્ટન પોસ્ટ અનુસાર, ફ્લોરિડાની આ મહિલાનું નામ અમાન્ડા રામિરેઝ છે. તેમને આરોપ લગાવ્યો છેકે, ક્રાફટ હૈઝ ખોટી જાહેરાતો અને ભ્રામક માહિતીનો પ્રચાર કર્યો છે. કંપનીના દાવા મુજબ, મેક્રોની અને ચીઝ પ્રોડક્ટ્સ માત્ર 3.5 મિનિટમાં તૈયાર કરવામાં આવતા હતા, પરંતુ જ્યારે અમાન્ડાએ ઓર્ડર આપ્યો ત્યારે તે તે સમયમાં તૈયાર નહોતા.
તો વધુમાં અમાન્ડાએ જણાવ્યું હતું કે, ક્રાફ્ટહૈઝ પ્રોડક્ટ પેકેટ પર જે સમયનો ઉલ્લેખ કર્યો છે તે માત્ર માઇક્રોવેવમાં રાખવામાં આવે ત્યાં સુધીનો છે. જ્યારે મેકરોની બનાવવા માટે આ સિવાય પણ ઘણા સ્ટેપ્સ ફોલો કરવા પડે છે.પરંતુ કંપનીએ આખી પ્રક્રિયામાં કેટલો સમય લાગ્યો તેની કોઈ માહિતી આપી નથી.
કંપનીએ કહી આ વાત
કંપની વિરુદ્ધ છેતરપિંડી, ભ્રામક પ્રચાર અને અયોગ્ય વેપારનો કેસ નોંધાયા બાદ કંપનીએ નિવેદનઆપ્યું છે. કંપનીએ મહિલા દ્વારા દાખલ કરાયેલા કેસને વ્યર્થ ગણાવ્યો છે. કંપની વતી કહેવામાં આવ્યું હતું કે મહિલા દ્વારા જબરદસ્તીનો આ કેસ નોંધવામાં આવ્યો છે, અમે તેનો સખત વિરોધ કરીશું અને તેમને જવાબ આપીશું.
