જથ્થાબંધ મોંઘવારી 25 મહિનાના તળિયે

ફેબ્રુઆરીમાં જથ્થાબંધ ફુગાવો એટલે કે મોંઘવારી દર ઘટીને 3.85% થઈ ગયો, જે 25 મહિના એટલે કે જાન્યુઆરી 2021થી અત્યાર સુધી સૌથી ઓછો છે. જાન્યુઆરીમાં જથ્થાબંધ મોંઘવારી 4.73% હતી. જોકે, રિટેલ મોંઘવારી પર તેની કોઈ અસર નથી દેખાઈ રહી કારણ કે, ફેબ્રુઆરીમાં તે સામાન્ય ઘટીને 6.44% રહી હતી, જે જાન્યુઆરીમાં 6.52%ના દરે હતી.

હકીકતમાં કારખાનામાં બનતી ચીજવસ્તુઓ જેવી કે સાબુ, કપડાં, જૂતાં, કોસ્મેટિક્સ, પ્લાસ્ટિક પ્રોડક્ટ્સ, ઈલેક્ટ્રોનિક્સ વગેરેમાં મોંઘવારી ઘટી છે. બીજી તરફ, હોટલ, રેસ્ટોરન્ટ, ટ્રાન્સપોર્ટ, મનોરંજન, કોમ્યુનિકેશન અને ફાઈનાન્સ જેવી સેવા જથ્થાબંધ મોંઘવારીમાં સામેલ નથી કરાતી, જેથી તેના ભાવમાં 7.35% જેટલો વધારો થયો છે.