ગુરુવારે અઠવા, વરાછા, સેન્ટ્રલ અને લિંબાયત ઝોનમાં પાણીકાપ
ખટોદરા જળ વિતરણ મથકની મુખ્ય પાણી લાઇન પર બટરફ્લાય વાલ્વ રિપ્લેસ કરવા અને જુના બુસ્ટર હાઉસ સહિતની ભૂગર્ભ ટાંકીની લાઇનમાં વાલ્વ બેસાડવાની કામગીરી અને કતારગામ વોટર વર્કસથી આવતી મેઇન લાઇનના જોડાણ પર પ્લેટ ફીટ કરવા 23મીને ગુરુવારે સવારથી મેગા ઓપરેશન હાથ ધરાશે. આ માટે વિવિધ જળ વિતરણ મથકની ટાંકી ભરી ન શકાય તેવી સ્થિતિમાં 23મીએ ઉધના, વરાછા, સેન્ટ્રલ, અઠવા અને લિંબાયત ઝોનમાં પાણી કાપ રહેશે.
24 માર્ચે પણ પુરવઠો અંશત: મળે અથવા ઓછાં પ્રેશરથી મળવાની શક્યતા છે. રિપેરિંગ કામગીરી પુરી થતાં જ પુરવઠો રાબેતા મુજબ કરાશે. આ સાથે જ પાલિકાના હાઇડ્રોલિક વિભાગે અસર હેઠળ વિસ્તારના રહીશોને અપીલ કરી છે કે, પાણીનો બિનજરૂરી ઉપયોગ ટાળે તથા જરૂરી માત્રા સંગ્રહ કરી લે તે હિતાવહ રહેશે.
ગુરુવારે શહેરના આ વિસ્તારોને પાણી નહીં મળે
- અઠવા ઝોન: સિવિલ, ભીમરાડ, ખજોદ, સરસાણા, વેસુ, ભરથાણા, ડુમસ, ગવિયર, સુલતાનાબાદ, કાંદી ફળીયા, ભીમપોર વગેરે
- વરાછાઝોન: અશ્વિનીકુમાર, ફુલપાડા, લંબે હનુમાન રોડ, કાપોદ્રા, કરંજ, ઉમરવાડા, આઈમાતા રોડ વગેરે
- સેન્ટ્રલ ઝોન: દિલ્હી ગેટથી ચોક બજાર, રેલ્વે સ્ટેશન, સુમુલ ડેરી, અલકાપુરી, ગોટાલાવાડી વગેરે
- ઉધના ઝોન-એ: બમરોલી તેમજ ગોવાલકની સોસાયટીઓ, પાંડેસરા -ખટોદરા GIDC વગેરે
- લિંબાયત ઝોન: લિંબાયત, નીલગીરી સર્કલ, નવાગામ (ડીંડોલી), રીંગ રોડને સમાંતર ટેક્સટાઈલ માર્કેટો, હળપતિ કોલોની, ડી-ટેનામેન્ટ ગાંધીનગર, બેઠી કોલોની વગેરે
