વાહન, ઘરેણાં, કપડાં, ઇલેક્ટ્રોનિક્સના વેચાણ અને ઉત્પાદનમાં તેજીનો માહોલ

કોવિડ મહામારી બાદ દેશનું અર્થતંત્ર ફરીથી પાટે ચડ્યું છે. જેના ફળ સ્વરૂપે દેશમાં વપરાશ આધારિત માંગને વેગ મળ્યો છે. ચાલુ નાણાકીય વર્ષના પહેલા ક્વાર્ટર (એપ્રિલ-જૂન)માં ઉત્પાદન પણ તેજીથી વધ્યું છે. તેમાં વાહન, ઘરેણાં અને કપડાંથી લઇને ઇલેક્ટ્રોનિક્સ પણ સામેલ છે.

બેન્ક ઑફ બરોડાના એક રિપોર્ટ અનુસાર, નાણાકીય વર્ષ 2021-22 સુધી દેશની જીડીપીમાં ખાનગી વપરાશ પર ખર્ચનો હિસ્સો 59.6% હતો. ચાલુ નાણાકીય વર્ષમાં તે વધ્યો છે. જૂન ક્વાર્ટરમાં ખાનગી વપરાશ 25.9% વધ્યો છે.

ઉત્પાદન, વપરાશ અને વેચાણમાં વૃદ્વિ એ વાતના સંકેત આપે છે કે અર્થવ્યવસ્થા ધીરે ધીરે મજબૂત થઇ રહી છે. પરંતુ જીએસટી કલેક્શન અને વપરાશના આંકડા મોંઘવારીને પ્રભાવિત કરી શકે છે.