અમેરિકા-જાપાન મળીને હાઇપરસોનિક મિસાઇલ ઇન્ટરસેપ્ટર બનાવશે

ચીન, ઉત્તર કોરિયા અને રશિયાની હાઈપરસોનિક મિસાઈલથી બચવા માટે અમેરિકા અને જાપાન સાથે મળીને ઈન્ટરસેપ્ટર બનાવશે. જાપાનના અખબાર યોમિયુરીએ આ દાવો કર્યો છે. ઇન્ટરસેપ્ટર બનાવવાના કરારની સત્તાવાર જાહેરાત આવતા અઠવાડિયે થઈ શકે છે, જ્યારે જાપાનના વડાપ્રધાન કેમ્પ ડેવિડ સમિટ માટે યુએસ જશે.

અહેવાલો અનુસાર, જાન્યુઆરીમાં આ ઇન્ટરસેપ્ટર બનાવવા માટે યુએસ અને જાપાન વચ્ચે સમજૂતી થઈ હતી. આ માટે અમેરિકાના વિદેશ મંત્રી એન્ટની બ્લિંકન અને NSA જેક સુલિવાન, જાપાનના વિદેશ મંત્રી અને રાષ્ટ્રીય સુરક્ષા સલાહકાર વચ્ચે મુલાકાત થઈ હતી.

હાયપરસોનિક મિસાઇલોને ઈન્ટરસેપ્ટ કરવી બેલિસ્ટિક મિસાઇલો કરતાં વધુ મુશ્કેલ છે. આ એટલા માટે છે કારણ કે તે બેલેસ્ટિક મિસાઇલો નિર્ધારિત પાથમાંથી પસાર થતી વખતે તેમના લક્ષ્યને હીટ કરે છે.

જ્યારે હાઇપરસોનિક મિસાઇલ મધ્યમાં પોતાનો રસ્તો બદલી શકે છે. તેઓ અવાજની ગતિ કરતાં 5 ગણી વધુ ઝડપથી ગતિ કરે છે. તેમની હાઈ સ્પીડ પણ એક બીજું મોટું કારણ છે, જેના કારણે આ મિસાઈલોને શોધીને રોકવી ઘણી મુશ્કેલ છે.

યુએસ અને જાપાન વચ્ચે હાઈપરસોનિક મિસાઈલ માટે ઈન્ટરસેપ્ટર બનાવવાનો કરાર મિસાઈલ ટેક્નોલોજી સંબંધિત બીજો મોટો કરાર છે. આ પહેલા બંને દેશો લાંબા અંતરની મિસાઈલ બનાવવા પર કામ કરી ચુક્યા છે જે અંતરિક્ષમાંથી પણ પોતાના લક્ષ્યને નિશાન બનાવી શકે છે. જાપાને આ મિસાઈલો કોરિયન પેનિનસુલામાં તેના યુદ્ધ જહાજો પર તૈનાત કરી છે.