દરિયા ગણેશ પાસે હાલના પાર્કિંગ એરિયા પર અર્બન હબ ઝોન, ફોરેસ્ટ-ઇકો ટૂરિઝમ બનશે

પાલિકાએ બાયો ડાયવર્સિટી પાર્ક, વાલક અન્ડર પાસ-બ્રિજને નિર્ધારિત સમય કરતાં વર્ષ વહેલાં સાકાર કરવા કામગીરી ઝડપી બનાવી છે. તે પ્રમાણે વહીવટી ભવનનું પણ ટેન્ડર ફાળવી દેવામાં આવ્યું છે, ત્યારે મહત્ત્વનો ડુમસ સી-ફેસ ડેવલપમેન્ટ પ્રોજેક્ટ માટે પણ ટેન્ડર પ્રક્રિયા જે માર્ચ-એપ્રિલમાં હાથ ધરાવાની હતી પરંતુ કમિશનર શાલિની અગ્રવાલે પ્રોજેક્ટને ઝડપી કરવા સૂચના આપતાં હવે ડુમસનો વિકાસ મહિનો વહેલાં ફેબ્રુઆરીમાં ટેન્ડર પ્રસિદ્ઘ કરવાની ગણતરી કરાઇ છે.

ડુમસનો વિકાસ મહિનો વહેલાં
​​​​​​​ગત વર્ષમાં શાસકો-તંત્રો વચ્ચે આ પ્રોજેક્ટ પર સરકીટ હાઉસમાં મિટિંગ મળી હતી, 3 મહિને ટેન્ડર બહાર પાડી 2023માં કામગીરી પૂર્ણ કરવાની ગણતરી હતી, પરંતુ કામમાં ઝડપ લાવવા પ્રથમ તબક્કા માટેની ટેન્ડર પ્રક્રિયા ફેબ્રુઆરીમાં જ હાથ ધરી દેવાશે જે માટે સિટી ઇજનેર સેલે કવાયત શરૂ કરી છે.​​​​​​​ પાલિકા ફસ્ટ ફેઝ (ઝોન-1) અર્બન હબ ઝોન અને ઝોન-3 ફોરેસ્ટ એન્ડ ઇકો ટુરિઝમ જ્યાં લોકો હેલ્થ રિલેટેડ એક્ટિવીટી કરી શકશે. આ બંને ફેઝ માટેના ટેન્ડરો આગામી મહિનામાં સાથે જ જાહેર કરવા માટે તૈયારી કરી દીધી છે.

ઝોન-1 અને ઝોન-2 માટે 132 કરોડ જેટલો ખર્ચ કરાશે
પ્રાથમિક તબક્કે ઝોન-1 અર્બન હબ ઝોન અને ઝોન-3 ફોરેસ્ટ એન્ડ ઈકો ટુરિઝમ પ્રોજેક્ટ પર કામગીરી કરાશે. આ બંને પ્રોજેક્ટ પાછળ 132 કરોડ ખર્ચનો અંદાજ છ, જેમાં અર્બન હબ ઝોન-96 કરોડ અને ફોરેસ્ટ જગ્યા ડેવલપમેન્ટ 40 કરોડ તથા 5 વર્ષ ઓપરેશન-મેઇન્ટેનન્સ માટે 2 કરોડનો ખર્ચ કરાશે.