ભારત અને સાઉથ આફ્રિકા મેચની રોચક ક્ષણો

ગુવાહાટીમાં રમાયેલી ભારત અને સાઉથ આફ્રિકા સામેની બીજી મેચમાં ભારતે 16 રને જીત મેળવી હતી. પહેલી ઇનિંગમાં ટીમ ઈન્ડિયાએ 237 રનનો પહાડ જેવો સ્કોર કર્યો હતો. ત્યારે તેને રન ચેઝ કરવામાં સાઉથ આફ્રિકાએ 221 રન કર્યા હતા. આ મેચમાં એવા ઘણા રોચક મોમેન્ટ્સ જોવા મળ્યા હતા, સૂર્યાએ ફરી એકવાર શાનદાર ઇનિંગ રમી હતી. તો મિલરે જોરદાર સદી ફટકારી હતી. મેચમાં સાપના કારણે 10 મિનિટ સુધી ગેમ અટકાવી પડી હતી.

ભારતના સ્ટાર પ્લેયર સૂર્યકુમાર યાદવે ફરી એકવાર શાનદાર ઇનિંગ રમી હતી. તેણે 22 બોલમાં જ 61 રન ફટકાર્યા હતા. તેની T20 ઈન્ટરનેશનલ ક્રિકેટમાં આ સતત ત્રીજી અર્ધસદી હતી. તેના અને વિરાટ કોહલી (49)* વચ્ચે 42 બોલમાં 102 રનની પાર્ટનરશિપ થઈ હતી. સૂર્યકુમાર હાલ ICC T20 રેન્કિંગમાં બીજા સ્થાને છે.