ટ્રમ્પ રિપબ્લિકન પાર્ટીની ડિબેટમાં ભાગ નહીં લેય

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ બુધવારે તેમની રિપબ્લિકન પાર્ટીની આંતરિક ડિબેટમાં ભાગ લેશે નહીં. તેમણે સોશિયલ મીડિયા પર કહ્યું- બધા જાણે છે કે હું કોણ છું. તેથી, આવી કોઈપણ ચર્ચામાં ભાગ લેવાની જરૂર નથી.

ટ્રમ્પે એક ઈન્ટરવ્યુ પણ આપ્યો છે. જેમાં ભારતમાંથી આયાત થતા ઉત્પાદનો પર ભારે ટેક્સ લાદવાનું વચન આપ્યું હતું. તેમનો દાવો છે કે જો ભારત સરકાર અમેરિકાથી આયાત થતા ઉત્પાદનો પર ભારે ટેક્સ લાદી શકે છે તો અમેરિકાએ પણ આવું કરવું જોઈએ.

અમેરિકામાં 2024માં રાષ્ટ્રપતિની ચૂંટણી યોજાવાની છે. આ પહેલા, ડેમોક્રેટ અને રિપબ્લિકન બંને પક્ષો આંતરિક ડિબેટનું આયોજન કરી રહ્યા છે, જેથી પક્ષમાં સર્વસંમતિથી રાષ્ટ્રપતિ પદના ઉમેદવારની પસંદગી કરી શકાય.