કોરોનાથી બચવા માટે લોકોએ અનેક સવાલ ગુગલને કર્યા
ગુગલ આપણી નાનીથી લઇને મોટી સમસ્યાઓનો ઉકેલ છે. જ્યારે પણ આપણને કોઈ સવાલનો જવાબ જોઇએ છીએ ત્યારે આપણે ગુગલનો સહારો લઈએ છીએ. વિશ્વના સૌથી મોટા સર્ચ એન્જિન ગુગલને બધી ખબર છે તો કોરોના કાળમાાં પણ જ્યારે લોકો પ્રતિબંધમાં હતા ત્યારે લોકો ઈન્ટરનેટનો જ સહારો લેતા હતા. તમને જાણીને નવાઈ લાગશે કે કોરોનાથી બચવા માટે લોકોએ અનેક સવાલ ગુગલ પર સર્ચ કર્યા.
ગુગલમાં આ વર્ષે સર્ચ કરવામાં આવેલી આ બિમારીઓના નુસખા
ઑક્સિજન વધારવાના નુસખા: કોરોનાકાળ દરમ્યાન ઓક્સિજનની કમીને કારણે લોકોનો જીવ જતો હતો. એવા સમયે લોકોએ સર્ચ એન્જિન ગુગલ પર ઓક્સિજન વધારવાના તમામ નુસખા સર્ચ કર્યા.
તાવના નુસખા: કોરોના સમયે લોકોએ તાવને લઇને પણ ખૂબ સર્ચ કર્યુ. ઉલ્લેખનીય છે કે લોકોએ તાવમાંથી સાજા થવા માટે ઘણા પ્રકારના ઘરેલુ નુસખાને સર્ચ કર્યા.
ઈમ્યુનિટી: કોરોના સમયે ઈમ્યુનિટી પર સૌથી વધારે ભાર હતો. આ દરમ્યાન લોકોએ ઈમ્યુનિટી વધારનારા ઉકાળાને પણ ગુગલ પર ખૂબ સર્ચ કર્યા. કોરોના દરમ્યાન ઈમ્યુનિટી વધારીને બચાવ કરવો વધુ સરળ રહ્યો.
ગળાની ખરાશ: ગળામાં કોઈ પણ પ્રકારની ખરાશ હોવી પણ ડૉકટર્સને કોરોનાના લક્ષણોમાં માનવામાં આવતી હતી. કોરોના દરમ્યાન લોકો ખરાશ અને ખાંસી જેવી સમસ્યા સામે લડી રહ્યાં હતા. તો તેનાથી બચવાના ઘરગથ્થુ નુસખા અંગે સૌથી વધુ વખત સર્ચ કરવામાં આવ્યું.
દૂધ અને હળદર: હળદર ઈમ્યુનિટી વધારવા અને શરદી-ઉધરસ અને હાર્ટમાં જામેલા કફમાંથી છૂટકારો અપાવવામાં કારગત છે. તેમાં anti-inflammatory ગુણ હોય છે, જે ઈમ્યુનિટીને વધારવામાં મદદ કરે છે.
તુલસીનુ પાણી: કોરોના દરમ્યાન તુલસીનુ પાણી પણ વધુ સર્ચ કરવામાં આવ્યું હતુ. તુલસીને હુંફાળા પાણીમાં ઉકાળીને તેનુ સેવન કરવાથી તેનાથી ઉધરસની સમસ્યા સારી થાય છે.
