ગુંદાળામાં બંધ મકાનમાંથી રોકડ અને દાગીનાની ચોરી

ગોંડલ તાલુકાના ગુંદાળા ગામે ઘર માલીક રાત્રે વાડીએ પાણી વાળવા ગયા હોય બંધ મકાનના તાળા તોડી તસ્કરોએ પરોણાગત કરી સોના ના ઘરેણા તથા રોકડની ચોરી કરી જતા બનાવ અંગે તાલુકા પોલીસમાં ફરિયાદ થવા પામી છે.

પ્રાપ્ત વિગત મુજબ ગુંદાળામાં સહકારી મંડળીના ગોડાઉન પાછળ રહેતા જીતુભાઇ મગનભાઈ સોજીત્રા ગત રાત્રે પોતાની વાડીએ પાણી વાળવા ગયા હતા ત્યારે તેમના બંધ મકાનમા દરવાજાના તાળા તોડી તસ્કરોએ મકાન માં પ્રવેશી રુમના કબાટને તોડી તેમાં પડેલા રોકડા વીસ હજાર તથા સોનાના દાગીનાની ચોરી કરી હતી. બનાવ અંગે જીતુભાઇના નાનાભાઇ હેમંતભાઇએ જણાવ્યુ કે ભાભી સહિતનો પરિવાર સુરત લગ્નમાં ગયો હતો.