વિધવાને પ્રેમજાળમાં ફસાવી પ્રેમીએ દુષ્કર્મ આચર્યાની પોલીસમાં ફરિયાદ નોંધાઇ છે. દુષ્કર્મના બનાવની તપાસ ચલાવી રહેલા બી ડિવિઝન પોલીસ મથકના પીએસઆઇ એમ.આઇ. શેખે જણાવેલી માહિતી મુજબ, બનાવની ફરિયાદ કુવાડવા રોડ પર આવેલા ગ્રામ્ય વિસ્તારમાં રહેતી વિધવાએ નોંધાવી છે.
જેમાં આરોપી તરીકે કોઠારિયા રોડ પર રહેતા કેતન કાંતિ ધામેલિયાનું નામ જણાવ્યું છે. વિધવાની પૂછપરછમાં કેતન સાથે પરિચય થયા બાદ બંને છેલ્લા ચાર વર્ષથી એકબીજાના પ્રેમમાં છે. ે કેતને પોતાની સાથે લગ્ન કરશેની વાત કરી હતી.
કેતને પોતાને લગ્નની લાલચ આપી જુદા જુદા સ્થળોએ લઇ જઇ અનેક વખત પોતાની સાથે બળજબરી કરી શારીરિક સંબંધ બાંધ્યા હતા. કેતનને લગ્ન કરવાનું કહેતા વાતને ઉડાવી દેતો હતો. કેતને લગ્ન કરવાનો ઇનકાર કરી દેતા તેના વિરુદ્ધ પોલીસમાં ફરિયાદ નોંધાવી છે. પોલીસે આરોપી કેતન ધામેલિયાને સકંજામાં લીધો છે.
