સિરાજનું રોનાલ્ડો સ્ટાઇલ 'SIUU' સેલિબ્રેશન
અમદાવાદમાં વેસ્ટ ઈન્ડિઝ સામેની પ્રથમ ટેસ્ટના પહેલા દિવસે ભારતે 2 વિકેટ ગુમાવીને 121 રન બનાવ્યા હતા. ટોસ જીતીને પ્રથમ બેટિંગ કરનાર વેસ્ટ ઈન્ડિઝ ફક્ત 162 રન જ બનાવી શક્યું હતું.
બ્રેન્ડન કિંગને આઉટ કર્યા પછી, ફાસ્ટ બોલર મોહમ્મદ સિરાજે ક્રિસ્ટિયાનો રોનાલ્ડો જેવું "SIUU" સેલિબ્રેશન કર્યું. આ દરમિયાન, બુમરાહે બે યોર્કર વડે વેસ્ટ ઇન્ડિઝના બે બેટર્સને આઉટ કર્યા. તેણે જવાગલ શ્રીનાથના મોટા રેકોર્ડની પણ બરાબરી કરી.
બુમરાહે ઘરઆંગણે 50 વિકેટ પૂર્ણ કરી ઘરઆંગણે સૌથી ઝડપી 50 ટેસ્ટ વિકેટ લેનારા ભારતીય ફાસ્ટ બોલરની યાદીમાં જસપ્રીત બુમરાહે જવાગલ શ્રીનાથની બરાબરી કરી. બંને 24 ઇનિંગ્સમાં પ્રથમ સ્થાને છે. તેમના પછી કપિલ દેવ આવે છે, જેમણે 25 ઇનિંગ્સમાં 50 વિકેટ લીધી હતી. ઇશાંત શર્મા અને મોહમ્મદ શમી 27 ઇનિંગ્સમાં આ યાદીમાં ચોથા સ્થાને છે.
