શ્રીલંકાએ બીજી વન-ડેમાં ઝિમ્બાબ્વેને 5 વિકેટે હરાવ્યું

શ્રીલંકાએ બીજી વન-ડેમાં ઝિમ્બાબ્વેને 5 વિકેટથી હરાવ્યું. આ સાથે, શ્રીલંકાએ વન-ડે શ્રેણીમાં ઘરઆંગણાની ટીમને 2-0 થી હરાવ્યું. રવિવારે હરારેમાં શ્રીલંકાએ બોલિંગ કરવાનું પસંદ કર્યું. ઝિમ્બાબ્વેએ 7 વિકેટ ગુમાવીને 277 રન બનાવ્યા. શ્રીલંકાએ 3 બોલ બાકી રહેતા 5 વિકેટ ગુમાવીને ટાર્ગેટ ચેઝ કર્યો.

મહેમાન ટીમ તરફથી ઓપનર પથુમ નિસાંકાએ 122 અને કેપ્ટન ચરિથ અસલાંકાએ 71 રન બનાવ્યા હતા. જ્યારે દુષ્મંથા ચમીરાએ 3 વિકેટ લીધી હતી. ઝિમ્બાબ્વે તરફથી બેન કરને 79 અને સિકંદર રઝાએ 59 રન બનાવ્યા હતા.

ઝિમ્બાબ્વે માટે મજબૂત શરૂઆત ટૉસ હારતા પહેલા બેટિંગ કરવા આવેલા ઝિમ્બાબ્વેએ મજબૂત શરૂઆત કરી. બ્રાયન બેનેટે બેન કરન સાથે 50+ રનની ભાગીદારી કરી. બેનેટ 21 રન બનાવીને આઉટ થયો. ત્યારબાદ નંબર-3 પર બ્રેન્ડન ટેલરે ટીમનો સ્કોર 100 રનને પાર પહોંચાડ્યો. જોકે, તે પણ 20 રન બનાવીને આઉટ થયો.

ત્યારબાદ કેપ્ટન સીન વિલિયમ્સે ટીમને 150 રનથી આગળ લઈ ગયો, પરંતુ તે પણ ફક્ત 20 રન જ બનાવી શક્યો. બીજા છેડે બેન કરન પણ 79 રનની ઇનિંગ રમીને આઉટ થયો.