સૌરાષ્ટ્ર યુનિવર્સિટીમાં પરીક્ષાની તારીખ જાહેર

સૌરાષ્ટ્ર યુનિવર્સિટીમાં આગામી નવેમ્બર માસથી ફરી પરીક્ષાઓનો દોર શરૂ થશે જેમાં સૌરાષ્ટ્ર યુનિવર્સીટીએ જાહેર કરેલ મુજબ નવેમ્બર મહિનામાં સેમેસ્ટર 1 ના 58 અને સેમેસ્ટર 3 ના 23 કોર્ષની પરીક્ષા લેવાશે. ઉલ્લેખનીય છે કે અગાઉ જાહેર કરેલ કેટલીક પરીક્ષા ટાઈમ ટેબલ કોર્ષ પૂર્ણ ન થવાના કારણે બદલાવી નવેમ્બરમાં લેવા જાહેરાત કરવામાં આવી છે.

સૌરાષ્ટ્ર યુનિવર્સીટી એ સત્તાવાર કરેલ જાહેરાત મુજબ બી.એ., બી.કોમ., બી.એસસી.,બી.બી.એ..બી.જે.એમ. સી. સહિતની બેચલર ડીગ્રી ઉપરાંત એમ.એ., એમ.કોમ. અને એમ. એસસી. સહિત 58 કોર્ષના સેમેસ્ટર 1 ના વિદ્યાર્થીઓની પરીક્ષા તા.21 નવેમ્બરથી શરૂ થશે. જેમાં એક્ઝામનો સમય સવારે 10.30 થી 1 અને બી.એ., બી.કોમ. બપોરે 2.30 થી 5 વાગ્યા સુધીનો રહેશે. જયારે સેમ.3 માં બી.એ.બી. કોમ.,બી.એસસી., બી.બી.એ., એમ. એ.. એમ.કોમ. સહિતના 23 કોર્ષની એક્ઝામ 9 નવેમ્બરથી શરુ થશે.