અભિનેતા સૈફ અલી ખાન પર ઘરમાં ઘૂસીને છરીથી કરાયેલા હુમલાએ બધાને ચોંકાવી દીધા હતા. આ ઘટના પછી સૈફની સુરક્ષાની જવાબદારી રોનિત રોયની સુરક્ષા એજન્સીને સોંપવામાં આવી હતી. તાજેતરમાં રોનિતે જણાવ્યું હતું કે સૈફ પછી કરીના પર પણ હુમલો થયો હતો.
‘હિન્દી રશ’ સાથે વાત કરતાં રોનિતે કહ્યું, ‘સૈફ હોસ્પિટલમાંથી રજા મળ્યા પછી ઘરે પરત ફરી રહ્યો હતો. ત્યાં મોટી ભીડ અને મીડિયા હાજર હતું. જ્યારે કરીના પણ હોસ્પિટલમાંથી ઘરે પરત ફરી રહી હતી, ત્યારે તેની કાર પર હળવો હુમલો કરવામાં આવ્યો હતો. ત્યારે તે બહુ જ ડરી ગઈ હતી.’
રોનિતે કહ્યું, ‘મીડિયા હાજર હતું, તેથી ભીડ ખૂબ નજીક આવી ગઈ હતી. તેની ગાડી થોડી હલી ગઈ હતી. પછી કરીનાએ મને સૈફને ઘરે લઈ આવવા કહ્યું. પછી હું ગયો અને તે બંનેને ઘરે લઈ આવ્યો. ત્યાં સુધીમાં અમારી સુરક્ષા ટીમ તહેનાત થઈ ગઈ હતી અને અમને પોલીસનો પણ ટેકો મળ્યો હતો. હવે બધું બરાબર છે.’
રોનિતે એમ પણ ઉમેર્યું, ‘જ્યારે મેં કરીના સાથે વાત કરી અને સૈફ હોસ્પિટલમાં હતો ત્યારે ઘરની સુરક્ષા તપાસવા ગયો, ત્યારે મેં કેટલીક મૂળભૂત બાબતો સૂચવી હતી, પરંતુ એ બાબતો ત્યાં નહોતી. એવું કોઈ કારણ નથી કે આવું કેમ હતું, પણ એ ત્યાં હોવી જોઈતી હતી. આ સામાન્ય સલામતીનાં પગલાં છે, જે દરેક ઘરમાં હોવાં જોઈએ. તેથી મેં તેમને તાત્કાલિક અમલમાં મૂક્યાં.’
