રશિયાની એક શાળામાં ફાયરિંગની ઘટના બની

રશિયામાં ઇઝેવસ્ક શહેરની એક શાળામાં સોમવારે એક બંદૂકધારીએ ગોળીબાર કર્યો હતો. ઘટનામાં 13 લોકોનાં મોત થયાં છે, જ્યારે 20 લોકો ઘાયલ થયા છે. મૃતકોમાં સાત વિદ્યાર્થી હતા. આ તમામની ઉંમર 11 વર્ષથી ઓછી બતાવવામાં આવી રહી છે. એ સિવાય બે શાળાના શિક્ષક અને બે સિક્યોરિટી ગાર્ડ પણ માર્યા ગયા છે.

મીડિયા રિપોર્ટ્સ અનુસાર, ઇઝેવસ્ક શહેર રશિયાની રાજધાની મોસ્કોથી 960 કિલોમીટર દૂર છે અને ઉદમુર્તિયા વિસ્તારનો ભાગ છે. આ વિસ્તારમાં ઇન્ડસ્ટ્રિયલ હબ તરીકે વધુ ઓળખાય છે. આ શહેરની વસતિ 6 લાખ 40 હજાર છે.

ઉદમુર્તિયાના ગવર્નર એલેકઝાન્ડર બ્રેચલોવના જણાવ્યા અનુસાર, આ ઘટના શાળા શરૂ થયા પછી બની હતી. એક અજાણી વ્યક્તિ બંદૂક લઈને શાળામાં ઘૂસી ગઈ હતી. માનવામાં આવી રહ્યું છે કે તે શાળાની દીવાલ પર ચઢીને અંદર ઘૂસ્યો હતો અને આ કારણે જ તે ગાર્ડ્સની નજરથી બચી ગયો હતો.