રાજસ્થાનના સીકરમાં સ્લીપર બસ અને ટ્રક વચ્ચે થયેલી ભીષણ ટક્કરમાં 3 લોકોનાં મોત થયા છે અને 18 મુસાફરો ઘાયલ થયા છે, જેમાં 7ની સ્થિતિ ગંભીર છે. આ અકસ્માત જયપુર–બીકાનેર નેશનલ હાઈવે પર રાત્રે લગભગ 10:40 વાગ્યે ફતેહપુર નજીક થયો છે. અકસ્માતમાં મૃત્યુ પામેલા લોકોની હજુ સુધી ઓળખ થઈ નથી.
એવું જણાવવામાં આવી રહ્યું છે કે બસમાં સવાર મોટાભાગના મુસાફરો ગુજરાતના રહેવાસી હતા. આ બધા વૈષ્ણો દેવીના દર્શન કરીને પરત ફરી રહ્યા હતા અને યાત્રા દરમિયાન ખાટુ શ્યામજી મંદિરના દર્શન કરવા જઈ રહ્યા હતા.
માહિતી મુજબ સ્લીપર બસ બીકાનેર તરફથી જયપુર જઈ રહી હતી. જ્યારે ટ્રક ઝુનઝુનૂથી બીકાનેર તરફ જઈ રહ્યો હતો. ટક્કર એટલી જોરદાર હતી કે બસનો આગળનો ભાગ ખરાબ રીતે ચકનાચૂર થઈ ગયો અને ઘણા મુસાફરો સીટોમાં જ ફસાઈ ગયા.
અકસ્માત બાદ ઘટનાસ્થળે બૂમાબૂમ મચી ગઈ હતી. હાઈવે પરથી પસાર થઈ રહેલા વાહનો થંભી ગયા અને સ્થાનિક લોકોએ તુરંત પોલીસ અને એમ્બ્યુલન્સને જાણ કરી. બસમાં ફસાયેલા મુસાફરોને બહાર કાઢવા માટે સખત મહેનત કરવી પડી.
ઘાયલોને તાત્કાલિક સીકર અને આસપાસની હોસ્પિટલોમાં પહોંચાડવામાં આવ્યા છે, જ્યાં ડોક્ટરોની ઘણી ટીમો તેમની સારવારમાં વ્યસ્ત છે.
