રાજકોટમાં કાલે પંપ સંચાલકો પેટ્રોલ-ડીઝલની ખરીદી નહીં કરે

ગુજરાત રાજ્યના પેટ્રોલિયમ ડીલર્સ સંચાલકો શુક્રવારે પેટ્રોલ-ડીઝલની ખરીદી નહીં કરે. માગણીનો સ્વીકાર નહિ થતા તેમણે નો પર્ચેઝ અભિયાન હાથ ધર્યું છે. આ અંગે રાજકોટ પેટ્રોલ-ડીઝલ ડીલર્સ એસો.ના પ્રમુખ ગોપાલભાઈ ચુડાસમાના જણાવ્યાનુસાર 6 વર્ષથી ડીલર માર્જિનમાં વધારો કરાયો નથી. સીએનજીનું ડીલર માર્જિન છેલ્લા 17 માસથી મળ્યું નથી. તેમજ બ્રાન્ડેડ પેટ્રોલ-ડીઝલ ફરજિયાત વેચવા દબાણ કરવામાં આવે છે. જેની સામે ડીલરોએ વિરોધ નોંધાવ્યો છે. ડીલરો શુક્રવારે ખરીદી નહીં કરે, પરંતુ વેચાણ ચાલુ રહેશે.