પટનાની હોસ્પિટલમાં 30 સેકન્ડમાં ગેંગસ્ટરની હત્યા
ગુરુવારે પટનાની પારસ હોસ્પિટલમાં ગેંગસ્ટર ચંદન મિશ્રાની ફિલ્મી શૈલીમાં હત્યા કરવામાં આવી હતી. આ હત્યાના સીસીટીવી ફૂટેજ પણ સામે આવ્યા છે. તેમાં 5 ગુનેગારો દેખાઈ રહ્યા છે. 4 લોકોએ ટોપી પહેરી છે. એક ટોપી વગરનો છે.
કોઈએ પોતાનો ચહેરો ઢાંક્યો નથી. બધા 35થી 40 વર્ષની ઉંમરના લાગે છે. ચંદન મિશ્રાના વોર્ડમાં પ્રવેશતા પહેલા, પાંચેય લોકોએ કમરમાંથી પિસ્તોલ કાઢી. આ પછી, તેઓ આરામથી દરવાજો ખોલીને વોર્ડમાં પ્રવેશ્યા.
30 સેકન્ડ પછી, બધા ગુનેગારોએ ગેંગસ્ટરને ગોળી મારી અને એક પછી એક બહાર નીકળી ગયા. બધાએ પોતાની કમરમાં પિસ્તોલ મૂકી અને ભાગી ગયા.
એવું કહેવામાં આવી રહ્યું છે કે ગુનેગારોએ ચંદન મિશ્રાને ગોળી મારવાનો વીડિયો પણ શૂટ કર્યો છે.
