જે લોકો વધુ તીખું-તમતમતું અને મસાલેદાર ખાઈ છે તે લોકોની જિંદગી પણ સ્પાઈસી હોય છે, હાલમાં જ કરવામાં આવેલા એક સર્વમાં આ દાવો 2 હજાર અમેરિકી લોકો પર કરવામાં આવ્યો છે. આ રિસર્ચના પરિણામ પરથી ખબર પડી છે કે, મસાલેદાર જમવાની આદતને તમારી પર્સનાલિટી સાથે ગાઢ સંબંધ છે.
93% લોકોને તીખું-તમતમતું જમવાનું પસંદ
તો સર્વે મુજબ 93% લોકોને જમવામાં તીખું અને મસાલેદાર જમવાનું પસંદ છે. તેમાં પણ એક રેન્જ છે. જ્યારે 36% લોકોજમવામાં મીડીયમ તીખું ખાવાનું પસંદ કરે છે, તો બીજી તરફ 33% લોકો ઓછું તીખું ખાવાનું ઇચ્છે છે અને 24% લોકો વધુ તીખું ખાવાનું પસંદ કરે છે. ત્યાં ફક્ત 7% લોકો છે જેઓ બિલકુલ તીખું ખાતા નથી.
મસાલેદાર ખાનારા 76% લોકો વધુ સાહસિક છે
સર્વેક્ષણમાં ભાગ લેનારાઓની સંખ્યામાંથી જે લોકોને તીખું ખાવાનું પસંદ કરે છે, તે 21% પોતાને બહિર્મુખ માને છે. તો બીજી તરફ 54% પોતાને સર્જનાત્મક, 51% આત્મવિશ્વાસ અને 44% હિંમતવાન માને છે. 76% ઓછું તીખું ખાનાર લોકોની સરખામણીએ પોતાને વધારે સાહસિક, 62% વધુ આકર્ષક અને 66% જીવનથી સંતુષ્ટ માને છે.
ઓછું તીખું ખાનારા લોકો શરમાળ
સર્વમાં જે લોકો પોતાને ઓછું તીખું કે ખાઈ છે તેવું જણાવ્યું છે તેમાં 41% પોતાને સહાનુભૂતિશીલ અને 37% શરમાળ માને છે. આ પૈકી 47% કૂતરાઓને વધુ પ્રેમ કરે છે. 50% મધ્યમ તીખું ખાનારા પોતાને શાંત અને 44% વિચિત્ર માને છે.
તીખું ખાનારા લોકો પાર્ટીની શાન હોય છે
તો સર્વેમાં 76% જેઓ વધુ મસાલેદાર ખોરાક પસંદ કરે છે તે લોકોને ટ્રાવેલિંગનો શોખ હોય છે. નવી-નવી વસ્તુ ટ્રાય કરવાને કારણે કોઈપણ પાર્ટીની જાન બની જાય છે. આ ઉપરાંત, 32% લોકો શાકાહારી અથવા ડાયટ ફોલો કરે છે. પરિણામો એમ પણ કહે છે કે, સ્પાઈસી ખાનારા 12% લોકો કન્યા રાશિ છે. આ ઉપરાંત મધ્યમ તીખું પસંદ કરતા 11% લોકોની રાશિ સિંહ છે. ધન રાશિ ધરાવતા 11% લોકોને તીખું બિલકુલ પસંદ નથી.
