નાઇજીરીયન રેપર બર્ના બોયે પણ ગીતમાં અવાજ આપ્યો

પંજાબના સિંગર શુભદીપ સિંહ ઉર્ફે સિદ્ધુ મુસેવાલાની હત્યા બાદ તેમનું ત્રીજું ગીત 'મેરા નાન' લોન્ચ કરવામાં આવ્યું છે. મુસેવાલાની સોશિયલ મીડિયા ચેનલ પર રિલીઝ થયેલું આ ગીત પહેલા કલાકમાં 20 લાખ વ્યૂઝ પર પહોંચી ગયું છે. આ દરમિયાન 7 લાખ લોકોએ ગીતને લાઈક કર્યું અને 1.5 લાખ કોમેન્ટ્સ આવી. આ ગીતમાં નાઇજીરીયન રેપર બર્ના બોયનો પણ અવાજ છે.

આ ગીતમાં તેમની હત્યા બાદ મુસેવાલા પ્રત્યેની લોકોની લાગણીઓ દર્શાવવામાં આવી છે. જેમાં ફેન્સના હાથમાં ટેટૂ, વાહનોની પાછળના પોસ્ટર અને તેમના ગીતો બિલબોર્ડ સુધી પહોંચવા વિશે જણાવવામાં આવ્યું છે. આ સિવાય મુસેવાલાની હત્યાના કેસમાં પણ ન્યાયની માગ કરવામાં આવી છે.

મુસેવાલાના નવા ગીતને લઈને તેમના ફેન્સમાં અનેરો ઉત્સાહ છે. પિતા બલકૌર સિંહે પુત્ર મૂઝવાલાના મૃત્યુ બાદ જાહેરાત કરી છે કે તેઓ 7થી 8 વર્ષ સુધી સતત સિદ્ધુના ગીત ફેન્સ માટે લાવતા રહેશે.