મ્યુચ્યુઅલ ફંડ્સ એટલે ઇક્વિટી જ નહિં, ન્યૂએજના રોકાણકારોમાં જાગૃતિ વધી

બદલાતા જમાનામાં પરિવર્તન લાવવું જરૂરી છે, ખાસકરીને મોંઘવારી સામે હવે પારંપારિક રોકાણ વામળું સાબીત થઇ રહ્યું છે. પારંપારિક રોકાણની તુલનાએ ફુગાવો ઝડપી વધી રહ્યો છે જેના કારણે હવે ફુગાવા સામે યોગ્ય રિટર્ન મળી રહે તે માટે અન્ય માધ્યમોમાં રોકાણ તરફ નજર દોડાવવી પડે તેમ છે. હજુ મોટાભાગના લોકો રોકાણના નવા માધ્યમોમાં રોકાણ માટે ડર અનુભવી રહ્યાં છે. જેમકે મ્યૂચ્યુઅલ ફંડ્સમાં રોકાણ, મ્યુચ્યુઅલ ફંડ્સ એટલે ઇક્વિટી જ નહીં તેમાં રોકાણના અલગ-અલગ સેગમેન્ટ હોય છે માટે રોકાણકારોએ એ ખ્યાલ દૂર કરવો જોઇએ તેવો નિર્દેશ દિવ્યભાસ્કર અને એક્સિસ મ્યુચ્યુઅલ ફંડ દ્વારા રોકાણ જાગરૂતત્તા પર અમદાવાદમાં યોજાયેલા સેમિનારમાં એક્સિસ એએમસીના વેસ્ટ-સાઉથ ઝોનના ઝોનલ ઓફિસર નિરજ સુંદરાનીએ જણાવ્યું હતું.

મોંઘવારી સામે લડત આપવામાં એવા સેગમેન્ટમાં રોકાણ હવે જરૂરી બન્યું છે જે સારું રિટર્ન આપે મ્યુ. ફંડ્સ જેવા રોકાણના માધ્યમમાં લાંબાગાળાને ધ્યાનમાં રાખી રોકાણ કરવામાં આવે તો સારુ રિટર્ન મળી શકે છે.