WPL હરાજીમાં મંધાના સૌથી મોંધી

પહેલી વુમન્સ પ્રીમિયર લીગ (WPL) માટે ખેલાડીઓની હરાજી તેના અંતિમ તબક્કામાં છે. મુંબઈના Jio વર્લ્ડ કન્વેન્શન સેન્ટરમાં યોજાયેલી હરાજીમાં ભારતની ટોપ ઓર્ડર બેટર સ્મૃતિ મંધાના સૌથી મોંઘી વેચાઈ હતી. તેને બેંગલોરે 3.4 કરોડ રૂપિયામાં ખરીદી છે. મંધાના ઉપરાંત એશ્લે ગાર્ડનર અને નતાલી સાયવર બ્રન્ટ પણ 3 કરોડથી વધુમાં વેચાયા હતા.

લગભગ 6 કલાક સુધી ચાલેલી આ હરાજીમાં અત્યાર સુધીમાં 87 ખેલાડીઓની બોલી લગાવવામાં આવી છે. જેમાં 30 વિદેશી અને 57 ભારતીયોનો સમાવેશ થાય છે. દિલ્હી, ગુજરાત અને બેંગલોરે 18-18 ખેલાડીઓ ખરીદ્યા. જ્યારે યુપીએ સૌથી ઓછા 16 ખેલાડીઓ લીધા હતા. મુંબઈએ પોતાની રેન્કમાં 17 ખેલાડીઓનો સમાવેશ કર્યો હતો.

હરાજીમાં 59 કરોડ 50 લાખ રૂપિયાનો ખર્ચ થયો હતો. મહારાષ્ટ્રની દેવિકા વૈદ્ય ઓપન ઓક્શનમાં 20મી કરોડપતિ બની હતી. ચાર ભારતીય ખેલાડીઓને 2 કરોડથી વધુ રૂપિયા મળ્યા છે.