મચ્છુ 2 ડેમ ખાલી કરવા મંજૂરી માંગી

મોરબી જિલ્લાનો સૌથી મોટો મચ્છુ 2 ડેમ મોરબી શહેર અને આસપાસના ગ્રામ્ય વિસ્તારોમાં પીવાના પાણીનો એક માત્ર સ્રોત છે તો સિંચાઇ માટે પણ સૌથી મોટો ડેમ છે.આ ડેમમાં 3100 એમસીએફ્ટીથી વધુ પાણીની ક્ષમતા ધરાવતા આ ડેમમાં હાલ 1530 એમસીએફટી જથ્થો સંગ્રહાયેલો છે. આ પાણી મોરબી શહેરની 5 મહિનાની જરૂરિયાત પૂરી કરી શકે તેટલો છે. જોકે ગયા મહિનામાં સિંચાઈ વિભાગની ટીમ દ્વારા ડેમનું ઇન્સ્પેક્શન કરવામાં આવ્યું હતું.

મોરબીની શાન ગણાતા મચ્છુ-2 ડેમમાં જૂના 18 અને નવા 20 મળીને કુલ 38 દરવાજા છે. જેમાં ડેમના કુલ 38 દરવાજા હતા જેમાંથી 5 દરવાજા બદલવા પડે તેવી સ્થિતિમાં જણાઇ રહ્યા તો બાકીના દરવાજા મજબૂત કરવા પડે તેમ છે. અને તેના માટે ડેમ ખાલી કરવો પડે તેમ છે. હાલમાં ડેમમાં 50% જળ સંગ્રહ છે.