કોવિડ પહેલાંની સરખામણીએ સપ્ટેમ્બરમાં રિટેલ વેચાણમાં 21%નો વધારો

વૈશ્વિક મોંઘવારી અને મંદીના ભય વચ્ચે ભારતીય ગ્રાહકો તહેવારોની ખરીદીના મૂડમાં છે. સપ્ટેમ્બરમાં રિટેલ વેચાણના આંકડા આ બાબતનો સંકેત આપી રહ્યા છે. છેલ્લા મહિનામાં રિટેલ વેચાણમાં પ્રી-કોવિડ એટલે કે સપ્ટેમ્બર 2019ની સરખામણીમાં 21%નો જંગી વધારો થયો છે. રિટેલર્સ એસોસિએશન ઓફ ઈન્ડિયા (RAI)ના સર્વે રિપોર્ટ અનુસાર વેચાણમાં પણ ગત વર્ષની સરખામણીમાં 17%નો વધારો થયો છે.

ગતસપ્તાહના અંતે રજૂ કરાયેલ RAIના રિટેલ બિઝનેસ સર્વે રિપોર્ટમાં કહેવામાં આવ્યું છે કે સપ્ટેમ્બરમાં દક્ષિણ ભારતમાં રિટેલ વેચાણ પૂર્વ-કોવિડની તુલનામાં 23% વધ્યું છે. વાર્ષિક ધોરણે પણ આ કેસમાં 15%નો વધારો જોવા મળ્યો છે. પશ્ચિમ ભારતમાં છૂટક વેચાણ પૂર્વ-કોવિડની તુલનામાં 17% અને ગયા વર્ષની સરખામણીમાં 19% વધ્યું છે. રિપોર્ટમાં આગાહી કરવામાં આવી છે કે આ મહિને રિટેલ વેચાણ મજબૂત રહેશે.

ગયા મહિને ફૂડ એન્ડ ગ્રોસરી અને ક્વિક સર્વિસ રેસ્ટોરન્ટ સેક્ટરમાં વેચાણમાં સારી વૃદ્ધિ જોવા મળી હતી. 2019ની સરખામણીમાં ખાદ્ય અને કરિયાણા ક્ષેત્રના વેચાણમાં 56%નો વધારો થયો છે જ્યારે ઝડપી સર્વિસિસ રેસ્ટોરન્ટના વેચાણમાં 48% જ્યારે રમતગમતના સામાનના વેચાણમાં 36%નો વધારો થયો છે.