જિનપિંગનો શાંતિ પ્રસ્તાવ ઢોંગ!

ચીનના પ્રમુખ શી જિનપિંગ સોમવારે રશિયા પહોંચ્યા હતા. પ્રમુખ તરીકે ત્રીજા કાર્યકાળમાં તેમની આ પહેલી વિદેશયાત્રા છે. 10 વર્ષ પહેલાં તેઓ પહેલીવાર પ્રમુખ બન્યા ત્યારે પણ પ્રથમ વિદેશ યાત્રાએ મોસ્કો જ ગયા હતા. આ યાત્રા પહેલાં તેમણે કહ્યું હતું કે તેમની શાંતિ યોજનાથી યુક્રેન યુદ્ધનો અંત આવશે. જોકે તેમની આ યાત્રાનો મુખ્ય હેતુ અલગ પડી ગયેલા રશિયાને સમર્થન આપવાનો છે. નિષ્ણાતોએ કહ્યું છે કે આ યાત્રા મારફતે જિનપિંગ વ્યૂહાત્મક લાભ મેળવવા માંગે છે.

ચીન યુદ્ધ રોકવાની વાત કરે છે પરંતુ રશિયા સાથે તેના વધતા સંબંધના કારણે તેલ-ગેસ આયાતમાં વધારો થઇ રહ્યો છે. 2022માં ચીનને ક્રૂડ અને ગેસ પુરવઠો ક્રમશ: 44 ટકા અને 100 ટકા વધ્યો છે. બીજી બાજુ ચીનથી રશિયાની નિકાસ 12.8 ટકા વધી છે. ચીનના સેમી કન્ડક્ટરના સપ્લાયમાં બમણો વધારો થયો છે. આ યાત્રાના એજન્ડામાં રશિયા પાસેથી નવી ગેસ પાઇપલાઇન હાંસલ કરવાની બાબત પણ સામેલ છે.