ઇસાબેલ વોંગે ટૂર્નામેન્ટની પ્રથમ હેટ્રિક લીધી

વુમન્સ પ્રીમિયર લીગ (WPL)માં આજે ટૂર્નામેન્ટની પહેલી નોકઆઉટ મેચ રમાશે. મુંબઈના ડી વાય પાટીલ સ્ટેડિયમમાં મુંબઈ ઈન્ડિયન્સ અને યુપી વોરિયર્સની વચ્ચે એલિમિનેટર મેચ રમાઈ ગઈ હતી. જેમાં મુંબઈ ઈન્ડિયન્સ ફાઈનલમાં પહોંચી ગઈ છે. મુંબઈ ઈન્ડિયન્સે આ મેચ 72 રનથી જીતી લીધી હતી. મુંબઈએ વોરિયર્સને 183 રનનો ટાર્ગેટ આપ્યો હતો. જેની સામે યુપી વોરિયર્સ 17.4 ઓવરમાં 110 રનમાં જ ઓલઆઉટ થઈ ગઈ હતી. મુંબઈ તરફથી ઇસાબેલ વોંગે હેટ્રિલ લીધી હતી. તેણે જ સૌથી વધુ 4 વિકેટ ઝડપી હતી. સાઇકા ઈશાકને 2 વિકેટ મળી હતી. તો નેતાલી સીવર બ્રન્ટ, હેલી મેથ્યૂઝ અને જિંતીમની કલિતાને 1-1 વિકેટ મળી હતી. નેતાલી સીવરે ઓલરાઉન્ડ પ્રદર્શન આપ્યું હતું. તેણે પહેલી ઇનિંગમાં 72* રન બનાવ્યા હતા. આ જીતની સાથે જ મુંબઈ ફાઈનલમાં પહોંચી ગઈ છે. જ્યાં તેમનો સામનો દિલ્હી કેપિટલ્સ સામે થશે. ફાઈનલ 26 માર્ચે બ્રેબોર્ન સ્ટેડિયમમાં રમાશે

WPLની પ્રથમ હેટ્રિક વોંગના નામે
મુંબઈની ઇસાબેલ વોંગે વુમન્સ પ્રીમિયર લીગની પ્રથમ હેટ્રિક લીધી હતી. તેણે 13મી ઓવરના બીજા બોલ પર કિરણ નવગીરેને કેચ આઉટ કરાવી હતી. ત્યારબાદ ત્રીજા બોલ પર સિમરન શેખ અને ચોથા બોલ પર સોફી એક્લેસ્ટોન બોલ્ડ કરી હતી. વોંગે પાવરપ્લેમાં એલિસા હીલીને પેવેલિયન મોકલી હતી. તેણે 4 ઓવરમાં 15 રન આપીને 4 વિકેટ લઈને પોતાના સ્પેલનો અંત કર્યો હતો.