આ મુસ્લિમ દેશમાં લગ્ન પહેલા શારીરીક સંબંધ બનાવવા પર પ્રતિબંધ, લોકોએ આ રીતે કાઢી ભડાસ

ઈન્ડોનેશિયામાં વિદેશી સહેલાણીઓની સંખ્યા ઘટી શકે

વિશેષજ્ઞોનુ કહેવુ છે કે આ કાયદો પ્રભાવી રીતે લાગુ થયા બાદ ઈન્ડોનેશિયામાં વિદેશી સહેલાણીઓની સંખ્યા ઘટી શકે છે. ઈન્ડોનેશિયાની સંસદમાં મંગળવારે આ નવા દંડ સહિતાને મંજૂરી આપવામાં આવી છે. આ સાથે આ ગુનાહિત કાયદાને તોડનારા લોકો માટે એક વર્ષની સજાની જોગવાઈ પણ રાખવામાં આવી છે.

લગ્ન બાદ પાર્ટનર સિવાય કોઈ બીજા સાથે શારીરીક સંબંધ બનાવવા પર પ્રતિબંધ

આ નવા ગુનાહિત કાયદા હેઠળ લગ્ન પહેલા સેક્સને ગુના હેઠળ લાવવામાં આવ્યો છે. આ સાથે લગ્ન બાદ પાર્ટનર સિવાય કોઈ બીજા સાથે શારીરીક સંબંધ બનાવવા પર પણ પ્રતિબંધ લગાવવામાં આવ્યો છે. જો કે, કાયદામાં એવુ કહેવામાં આવ્યું છે કે આ મામલે કાર્યવાહી કાયદા તોડનારા લોકોના માતા-પિતા, પતિ-પત્ની અથવા બાળકોની ફરિયાદ બાદ જ થઇ શકશે.

પર્યટકો ઈન્ડોનેશિયાની આવકનુ મોટુ માધ્યમ છે

ઈન્ડોનેશિયા પોતાની બેમિસાલ સુંદરતાના કારણે સહેલાણીઓ વચ્ચે વધુ લોકપ્રિય છે. 2021માં વર્લ્ડ ઈકોનોમી ફોરમના મે 2022માં જાહેર થયેલા ડેટા મુજબ, ઈન્ડોનેશિયાએ ગ્લોબલ ટુરિજ્મ ઈન્ડેક્સમાં 32મુ સ્થાન પ્રાપ્ત કર્યુ હતુ. અહીં પર્યટન ઉદ્યોગ માત્ર દેશની આવક જ નહીં પરંતુ રોકાણ અને રોજગારનો પણ માર્ગ છે. તેથી વિશેષજ્ઞોએ આશંકા દર્શાવી કે આ કાયદાના કારણે ઈન્ડોનેશિયામાં વિદેશી સહેલાણીઓની સંખ્યા ઘટી શકે છે, જેનાથી દેશના પર્યટન ઉદ્યોગ પર નકારાત્મક પ્રભાવ પડશે.