રાજકોટમાં બપોરે આકરો તાપ રાત્રે ઠંડો પવન ફૂંકાયો

રાજકોટમાં શનિવારે સવારે 12 કિ.મી.ની ઝડપે ફૂંકાયો હતો. તેમજ સવારે થોડીવાર માટે વાદળછાયું વાતાવરણ પણ રહ્યું હતું, પરંતુ સવારે 10 કલાક બાદ રાબેતા મુજબ તડકો નીકળ્યો હતો. શનિવારે સૌરાષ્ટ્રમાં સૌથી નીચું લઘુતમ તાપમાન પોરબંદરમાં 15.4 ડિગ્રી અને મહત્તમ તાપમાન સૌથી ઊંચું રાજકોટમાં 32.6 ડિગ્રી નોંધાયું હતું. જ્યારે લઘુતમ તાપમાનનો પારો 3 ડિગ્રી વધ્યો હતો. સવારે પવનની ઝડપ વધુ હોવાને કારણે થોડીવાર માટે ઠંડીનો અનુભવ થયો હતો.

હવામાન ખાતાના જણાવ્યા મુજબ ભાવનગરમાં લઘુતમ તાપમાન 18.6 ડિગ્રી, દ્વારકામાં 22.2, ઓખામાં 20.9, પોરબંદર 15.4, રાજકોટ 17.4, વેરાવળ 19.9, દીવ 15.5, સુરેન્દ્રનગર અને મહુવામાં 17.5 અને કેશોદમાં 18.4 ડિગ્રી તાપમાન નોંધાયું હતું. હવમાાન ખાતાના જણાવ્યા મુજબ હજુ એક અઠવાડિયું તાપમાનમાં સામાન્ય વધઘટ જોવા મળશે. જ્યારે વેસ્ટર્ન ડિસ્ટર્બન્સને કારણે ક્યારેક પવનની દિશા બદલાતી રહેશે. રાજકોટમાં બપોરે મહત્તમ તાપમાન 32.6 ડિગ્રીએ પહોંચ્યો હોવાને કારણે દિવસમાં પણ ગરમી જેવો અનુભવ જોવા મળતો હતો.