રાજકોટ શહેરમાં દિવસે ને દિવસે માર્ગ અકસ્માતોની સંખ્યામાં વધારો થતો જોવા મળી રહ્યો છે. છેલ્લા 3 દિવસમાં માર્ગ અકસ્માતની 3 ઘટનામાં 3 યુવાનોના મોત નિપજ્યા છે ત્યારે રાજકોટ શહેરના ગોંડલ રોડ પર બનેલી અકસ્માતની ઘટનામાં મક્કમ ચોક નજીક થી પસાર થઇ રહેલ યુવકને આઇસરે હડફેટે લેતા યુવકનું ઘટના સ્થળે જ મોત નીપજ્યું હતું જેથી પોલીસે ઘટના સ્થળે પહોંચી જરૂરી કાર્યવાહી હાથ ધરી હતી.
આઇસરે હડફેટે લેતા યુવકનું ઘટના સ્થળે જ મોત
પ્રાપ્ત વિગત મુજબ ગુરુવારે રાત્રીના સમયે કારખાને થી પોતાના ઘરે પરત જતો યુવક કૌશિક રમેશભાઈ જરિયા પોતાના એક્ટિવા મોટર સાયકલ નંબર જીજે.03.એમએફ.8015 લઈને ગોંડલ રોડ પર મક્કમ ચોક નજીકથી પસાર થઇ રહ્યો હતો ત્યારે આઇસર ચાલકે તેને હડફેટે લેતા તે રોડ પર પટકાયો હતો અને ગંભીર ઇજા પહોંચતા તેનું ઘટના સ્થળે જ મોત નીપજ્યું હતું.
