100 વર્ષમાં આફ્રિકનો દુનિયાની ચોથા ભાગની વસ્તીનો હિસ્સો હશે

આફ્રિકામાં આગામી 25 વર્ષમાં વસ્તી લગભગ બમણી થઈને 2.5 અબજ થવાની ધારણા છે. નિષ્ણાતોનું કહેવું છે કે આનાથી માત્ર ઘણા આફ્રિકન દેશો જ નહીં, પરંતુ બાકીના વિશ્વ સાથેના તેમના સંબંધોને પણ મૌલિક રીતે નવો આકાર આપશે. 1950માં આફ્રિકનોની સંખ્યા દુનિયાની વસ્તીના 8% હતી. સંયુક્ત રાષ્ટ્રના અંદાજ અનુસાર એક સદી પછી તેઓ વિશ્વની કુલ માનવતાનો એક ચતુર્થાંશ ભાગ હશે. આફ્રિકાની વધતી વસ્તીની ધર્મ, સંસ્કૃતિ, વેપાર અને રાજકારણ પર પણ અસર જોવા મળશે. લંડન કે ન્યૂયોર્કના ભરચક સ્ટેડિયમોમાં, આફ્રિકન સંગીતકારો પોપની દુનિયામાં ધૂમ મચાવીને નવી સંસ્કૃતિનું નેતૃત્વ કરી રહ્યા છે.

પશ્ચિમ આફ્રિકાના વિશાળ મેગાચર્ચોમાં જોઈ શકાય છે કે કેવી રીતે અહીં ખ્રિસ્તી ધર્મનું ભાવિ આકાર લઈ રહ્યું છે. સાથે જ આફ્રિકાની રાજકીય પહોંચ પણ વધી રહી છે. સપ્ટેમ્બરમાં આફ્રિકન યુનિયન યુરોપિયન યુનિયનની જેમ જ આંતરરાષ્ટ્રીય આર્થિક સહયોગના મુખ્ય મંચ, G-20માં સામેલ થયું છે. ઈલેક્ટ્રિક કારો અને સોલાર પેનલોને બનાવવા માટે જરૂરી ખનિજોના વિશાળ ભંડાર હોવાને કારણે આફ્રિકા એમ પણ આકર્ષણનું કેન્દ્ર છે. આ ઉપરાંત વ્યવસાયીક રોકાણ કરવા માટે આફ્રિકામાં દર વર્ષે ઉભરતા લાખો નવા ગ્રાહકોનો પીછો કરી રહ્યા છે. સૌંદર્ય પ્રસાધનો, જૈવિક ખાદ્ય પદાર્થો વગેરે માટે તે અપ્રયુક્ત બજારોનું પ્રતિનિધિત્વ કરે છે.