IMFએ ભારતના ઈકોનોમી ગ્રોથનો અંદાજ ઘટાડ્યો
ઈન્ટરનેશનલ મોનેટરી ફંડ(IMF)એ 2023માં ગ્લોબલ ઈકોનોમી ગ્રોથ માટેનું અનુમાન જાહેર કર્યું છે. આમાં ભારતના ઈકોનોમી ગ્રોથના અનુમાનમાં ફરી એક વખત ઘટાડો કરવામાં આવ્યો છે. IMFએ હાલના અનુમાનમાં 0.60%નો ઘટાડો કરી નાણાકીય વર્ષ 2023 માટે દેશનો GDP ગ્રોથ 6.8% રહેવાનું અનુમાન લગાવ્યું છે.
રાહતની વાતએ છે કે નાણાકીય વર્ષ 2024માં ભારતના GDP ગ્રોથના અનુમાનમાં બદવાલ ન કરતા તેને 6.1% રાખવામાં આવ્યું છે. અગાઉ જુલાઈમાં, IMFએ નાણાકીય વર્ષ 2023 અને 2024 માટે ભારતના જીડીપી વૃદ્ધિના અનુમાનમાં 0.80% ઘટાડો કર્યો હતો.
રશિયા-યુક્રેન યુદ્ધ અને કોરોના પણ નીચી વૃદ્ધિના કારણો
IMFએ 2023 માટે ગ્લોબલ ઈકોનામી ગ્રોથનું અનુમાન ઘટાડ્યું છે. એજન્સીએ ગ્લોબલ ઈકોનામીના નીચા ગ્રોથ માટે રશિયા-યુક્રેન યુદ્ધ, આર્થિક મંદી, કોરોના મહામારીની અસર અને વધતા વ્યાજ દરને કારણ ગણાવ્યું છે.
IMF અનુસાર, આવતા વર્ષે ગ્લોબલ ઈકોનામી ગ્રોથ રેટ 2.7% રહેવાની સંભાવના છે. આ પહેલા જુલાઈમાં 2.9% રહેવાનું અનુમાન લગાવવામાં આવ્યું હતું. આ વર્ષ માટે, વૈશ્વિક અર્થતંત્રનો વિકાસ દર 3.2% રહેવાનો અંદાજ છે. ગયા નાણાકીય વર્ષમાં વૈશ્વિક વિકાસ દર 6% હતો.
