ઇલે. ટુ-વ્હીલરનું વેચાણ મે માસમાં 12% વધ્યું, સબસિડી ઘટતા ઘટી શકે

એપ્રિલની સરખામણીએ મે માસમાં ઇલેક્ટ્રિક ટુ-વ્હીલરના વેચાણમાં 12%નો વધારો થયો છે. જોકે માર્ચની સરખામણીએ એપ્રિલમાં ઇલેક્ટ્રિક ટુ વ્હીલરના વેચાણમાં લગભગ 24%નો ઘટાડો થયો હતો. તેનું કારણ FAME-2 ના ધોરણોનું ઉલ્લંઘન કરવા બદલ કેટલીક ઇલેક્ટ્રિક ટુ-વ્હીલર કંપનીઓ સામે સરકારની કાર્યવાહીની જાહેરાત તરીકે દર્શાવવામાં આવ્યું હતું.

1 જૂનથી સબસિડીમાં ઘટાડો થવાના અહેવાલોને કારણે મે મહિનામાં ઇલેક્ટ્રિક ટુ-વ્હીલરના વેચાણમાં તીવ્ર વધારો થયો હતો. પેટ્રોલથી ચાલતી ટુ-વ્હીલર કંપનીઓના ઈવીનું વેચાણ વધી રહ્યું છે. બજાજ ઓટો, ટીવીએસ અને હીરો મોટોકોર્પ જેવી મોટી પરંપરાગત ટુ-વ્હીલર કંપનીઓ મે મહિનામાં કુલ ઇલેક્ટ્રિક ટુ-વ્હીલરના વેચાણમાં લગભગ 30% હિસ્સો ધરાવે છે.

પ્રીમિયમ સેગમેન્ટમાં માંગ ઝડપી વધી
રેટિંગ એજન્સી ક્રિસિલના જણાવ્યા અનુસાર પ્રીમિયમ કેટેગરીમાં માંગમાં વધારો થવાને કારણે ટુ-વ્હીલર કંપનીઓ આ વર્ષે તેમની કમાણી 13-14% વધવાની ધારણા છે. છેલ્લા નાણાકીય વર્ષમાં વેચાણમાં સામાન્ય વૃદ્ધિ હોવા છતાં તેમની કમાણી 19-20% વધી છે.