ICC 10 મિલિયન યુએસ ડોલરની ઇનામી રકમ વિતરણ કરશે
ઈન્ટરનેશનલ ક્રિકેટ કાઉન્સિલ (ICC)એ શુક્રવારે ભારતમાં 5 ઓક્ટોબરથી શરૂ થઈ રહેલા વન-ડે ક્રિકેટ વર્લ્ડ કપ માટે ઈનામી રકમની જાહેરાત કરી છે. આ વખતે વર્લ્ડ ચેમ્પિયનને લગભગ રૂ. 33 કરોડ (4 મિલિયન યુએસ ડોલર)ની ઇનામી રકમ મળશે, જ્યારે રનરઅપને આશરે રૂ. 16.58 કરોડ (2 મિલિયન યુએસ ડોલર) મળશે.
આ વખતે ICC લગભગ રૂ. 83 કરોડ (10 મિલિયન યુએસ ડોલર)ની ઈનામી રકમનું વિતરણ કરવા જઈ રહ્યું છે. કાઉન્સિલે જુદા જુદા રાઉન્ડ માટે અલગ-અલગ ઈનામી રકમ નક્કી કરી છે.
સેમિફાઈનલમાં હારેલી ટીમને 6 કરોડ રૂપિયા
વિજેતા અને ઉપવિજેતા સિવાય, વર્લ્ડ કપની સેમિફાઈનલમાં હારનાર ટીમને લગભગ 6 કરોડ રૂપિયા અને ગ્રુપ સ્ટેજમાંથી બહાર રહેનાર ટીમને લગભગ 82 લાખ રૂપિયા મળશે.
આ વખતે જાહેર કરવામાં આવેલી ઈનામી રકમ ગત સિઝન જેટલી જ છે. કાઉન્સિલે આશરે રૂ. 83 કરોડની અગાઉની ઈનામી રકમમાં કોઈ ફેરફાર કર્યો નથી. ગત સિઝનની ચેમ્પિયન ઇંગ્લેન્ડને પણ લગભગ 33 કરોડ રૂપિયા મળ્યા છે.
