HDFC બેંકનું માર્કેટ કેપ 99,835 કરોડ ઘટ્યું

ગયા અઠવાડિયે, માર્કેટ કેપની દૃષ્ટિએ દેશની ટોચની 10 કંપનીઓમાંથી 8ના મૂલ્યાંકનમાં રૂ. 2,28,690 કરોડનો ઘટાડો થયો છે. એચડીએફસી બેંક આમાં સૌથી વધુ લુઝર રહી છે, તેના માર્કેટ કેપમાં 99,835.27 કરોડનું નુકસાન થયું છે. બીજા સ્થાને રિલાયન્સ ઇન્ડસ્ટ્રીઝ છે, જેની બજાર કિંમત 71,715.6 કરોડ ઘટી છે. જો કે વેલ્યુએશન મુજબ બંને કંપનીઓ હજુ પણ ટોપ-3માં છે.

આ સિવાય ICICI બેંક, ઇન્ફોસિસ, ITC, સ્ટેટ બેંક ઓફ ઇન્ડિયા (SBI), ભારતી એરટેલ, બજાજ ફાઇનાન્સના માર્કેટ કેપમાં પણ મોટો ઘટાડો જોવા મળ્યો છે. આ યાદીમાં ટાટા કન્સલ્ટન્સી સર્વિસિસ (TCS) અને હિન્દુસ્તાન યુનિલિવર નફો કરતી કંપનીઓ રહી છે. તેમના માર્કેટ કેપમાં 1024.53 કરોડ અને 2913.49 કરોડનો વધારો થયો છે.

ગયા અઠવાડિયે સેન્સેક્સ 1,829 પોઈન્ટ્સ (લગભગ 2.7%) અને નિફ્ટી 518 પોઈન્ટ્સ (લગભગ 2.60%) તૂટ્યો હતો. આ સમયગાળા દરમિયાન ટોપ-10 કંપનીઓના રેન્કિંગમાં રિલાયન્સ, ICICI બેન્ક, HDFC બેન્ક, એરટેલ અને ઇન્ફોસિસનો સમાવેશ થાય છે.