SME કંપનીઓના દરેક બીજા IPOમાંથી 163 ટકા સુધીની જંગી કમાણી નોંધાઇ
આ વર્ષ એસએમઇ એટલે કે નાની-મધ્યમ કંપનીઓના આઇપીઓ માટે બ્લોકબસ્ટર સાબિત થઈ રહ્યું છે. અત્યાર સુધીમાં કંપનીઓએ 85 થી વધુ SME IPO દ્વારા રૂ. 2,300 કરોડ એકત્ર કર્યા છે. આ કિસ્સામાં 2018નો અગાઉનો રેકોર્ડ તૂટી ગયો હતો, જ્યારે 141 કંપનીઓએ 2,287 કરોડ રૂપિયા એકત્ર કર્યા હતા.
બીજી તરફ, 2023 માટે પાંચ મહિના હજુ બાકી છે.આ વર્ષે અત્યાર સુધીમાં, લિસ્ટિંગના દિવસે 100% થી વધુ કમાણી કરનાર આઇપીઓ 8% રહ્યાં હતા. સરખામણીમાં આવા SME IPO 2021માં 5% હતા. 2020 અને 2019માં આવો એક પણ SME IPO નહોતો. 2017ના બુલ માર્કેટ વર્ષમાં પણ આવા લિસ્ટિંગનો દર 130 SME IPOમાંથી માત્ર 1% હતો.
