ખાંડ-પાણી અને બેક્ટેરિયાના મિશ્રણથી કંપનીઓ દૂધ બનાવી રહી છે!
દૂધ અને દૂધ સાથે જોડાયેલાં ઉત્પાદનોમાં છેલ્લાં કેટલાંક વર્ષોમાં ઘણા વિકલ્પો આવી ગયા છે. આમ છતાં પણ છોડમાંથી બનાવવામાં આવેલાં ઉત્પાદનો ડેરીની તુલનાએ ન આવી શકે. ગુડ ફૂડ ઇન્સ્ટિટયૂટ (GFI)ના અહેવાલ મુજબ સોયાબીન, બદામ અને ઓટ્સ જેવી વસ્તુઓથી બનેલા છોડ પર આધારિત દૂધના પીણાં અમેરિકાના બજારમાં કુલ દૂધના વેચાણના 15% અને પશ્ચિમી યુરોપમાં 11% હિસ્સો બને છે.
70 લાખ કરોડ રૂપિયાના વૈશ્વિક ડેરી બજારનો ભાગ બનવાની આશા સાથે હવે કેટલીક કંપનીઓ ગાય કે છોડ વગર નવી પદ્ધતિથી દૂધ બનાવી રહી છે. સિન્થેટિક ડેરીની આ કંપનીઓ જૈવ-રાસાયણિક પ્રક્રિયાથી દૂધ બનાવી રહી છે. એક ખાસ ટાંકીમાં ખાંડ અને પાણીની વચ્ચે કેટલાક બેક્ટેરિયા રાખવામાં આવે છે. આ બેક્ટેરિયા થોડા સમય પછી નિયંત્રિત વાતાવરણમાં ખાંડને દૂધના પ્રોટીનમાં રૂપાંતરિત કરે છે.
આ પ્રકારના દૂધના ફાયદા પણ છે. લેક્ટોસ, જેનાથી ઘણા લોકોને એલર્જી અને હાર્મોન, જે કેટલાક વયસ્ક રોગો સાથે સંકળાયેલા છે તેને આ રીતે દૂધમાંથી બહાર કાઢી શકાય છે. ખાદ્ય સુરક્ષા અને આબોહવા પરિવર્તન અંગે વધી રહેલી ચિંતાના આ સમયમાં તે ઉપયોગી છે. તેમાં ઓછા પાણીનો ઉપયોગ થાય છે. પરંપરાગત ડેરી ઉત્પાદનની સરખામણીએ આમાં ઓછી ઊર્જા અને જગ્યાની જરૂર પડે છે.
