ચિરાગ-સાત્વિકે ઈન્ડોનેશિયા ઓપન બેડમિન્ટન જીતી

ચિરાગ શેટ્ટી અને સાત્વિક સાઈરાજની ભારતીય જોડીએ ઈન્ડોનેશિયા ઓપનનો ખિતાબ જીત્યો છે. ચિરાગ-સાત્વિકની જોડીએ બીજી ક્રમાંકિત મલેશિયાની એરોન ચિયા અને વુઈ યીક સોહની જોડીને સીધી ગેમમાં 21-17 અને 21-18ના માર્જિનથી હરાવી હતી.

ચિરાગ-સાત્વિકની જોડી BWF વર્લ્ડ ટૂર સુપર-1000 ટાઈટલ જીતનારી પ્રથમ ભારતીય જોડી બની છે. એટલું જ નહીં, તેઓ એકમાત્ર ભારતીય જોડી છે જેણે BWF વર્લ્ડ ટૂર પર તમામ ચાર ટાઇટલ જીત્યા છે - સુપર-100, સુપર-300, સુપર-500, સુપર-750 અને સુપર-1000.

બંને જોડીએ જોરદાર સંઘર્ષ કર્યો, ભારતીયો સીધી ગેમમાં જીતી ગયા
ફાઈનલ મેચમાં ભારતીય અને મલેશિયાની જોડી વચ્ચે જોરદાર સ્પર્ધા જોવા મળી હતી. ભારતીય સ્ટાર્સે મેચ સીધી ગેમમાં એટલે કે 2-0થી જીતી લીધી હતી. પ્રથમ ગેમમાં ભારતીય જોડીએ મલેશિયાના ખેલાડીઓને 21-17થી પરાજય આપ્યો હતો. જે બાદ બીજી ગેમમાં જીતનો સ્કોર 21-18 હતો. એટલે કે બંને ગેમમાં જીત અને હારનું માર્જીન 5 પોઈન્ટથી ઓછું રહ્યું છે.