બટલરે સિઝનની બીજી સૌથી લાંબી સિક્સ ફટકારી

IPL-16 માં બુધવારે રાત્રે રમાયેલી રોમાંચક મેચમાં લખનઉ સુપરજાયન્ટ્સ (LSG) એ રાજસ્થાન રોયલ્સ (RR) ને તેના હોમ ગ્રાઉન્ડ પર 10 રને હરાવ્યું હતું. રાજસ્થાન ચાર વર્ષ બાદ ઘરઆંગણે રમી રહ્યું હતું.

જયપુરના સવાઈ માનસિંહ સ્ટેડિયમમાં રમાયેલી આ મેચમાં LSG ના કેપ્ટન કેએલ રાહુલના 2 કેચ છુટ્યા હતા. તેને કુલ ત્રણ વખત જીવતદાન મળ્યું. રાહુલને સપોર્ટ કરવા માટે તેની પત્ની આથિયા શેટ્ટી સ્ટેડિયમ પહોંચી હતી. આ સાથે જ રાજસ્થાનના ઓપનર જોસ બટલરે સિઝનની બીજી સૌથી લાંબી સિક્સ ફટકારી હતી. અમે આ સમાચારમાં મેચની આવી ટોપ મોમેંટ્સ જાણીશું.

કેએલ રાહુલના 2 કેચ છુટ્યા
લખનઉ સુપર જાયન્ટ્સના કેપ્ટન કેએલ રાહુલને પાવરપ્લે દરમિયાન 2 વખત જીવતદાન મળ્યું હતું. જયસ્વાલ-હોલ્ડરે તેના કેચ છોડ્યા. સંદીપ ચોથી ઓવરમાં બોલિંગ કરી રહ્યો હતો. બોલ્ટે પ્રથમ બોલ પર ફુલ લેન્થ બોલ ફેંક્યો હતો. રાહુલે તેને ઉઠાવતા એક્સ્ટ્રા કવર તરફ રમ્યો. યશસ્વી જયસ્વાલ ત્યાં હાજર હતો, પરંતુ તેણે કેચ છોડ્યો હતો.

બોલ્ટે પોતાના જ બોલ પર રાહુલનો બીજો કેચ છોડ્યો હતો. પાંચમી ઓવરના છેલ્લા બોલ પર બોલ્ટે ઓફ સ્ટમ્પ પર ફુલ લેન્થ બોલ ફેંક્યો હતો. રાહુલ શોટ મિસટાઈમ કર્યો અને મિડ-ઓફમાં શોટ રમ્યો. હોલ્ડરે રનિંગ કેચ લેવાનો પ્રયાસ કર્યો, પરંતુ બોલ તેના હાથમાંથી સરકી ગયો હતો.