બ્રિટિશ મીડિયાનો દાવો- ખાલિસ્તાનીઓ પર કોઈ કાર્યવાહી ન થતાં મોદી સરકાર નારાજ
બ્રિટનના એક અખબારે દાવો કર્યો છે કે ગત મહિને લંડનમાં તેના હાઈ કમિશનમાં ખાલિસ્તાનીઓના પ્રદર્શનથી ભારત સખત નારાજ છે. આ અહેવાલ મુજબ નરેન્દ્ર મોદી સરકારે ખાલિસ્તાનીઓ વિરુદ્ધ કાર્યવાહી ન કરવાના વિરોધમાં બ્રિટન સાથેના વેપાર સંબંધો પરની વાતચીતને સ્થગિત કરી દીધી છે. આ બેઠક આગામી 24 એપ્રિલના રોજ યોજાવાની છે.
બીજી તરફ નવી દિલ્હીમાં ભારતના વિદેશ મંત્રાલયે બ્રિટિશ મીડિયાના અહેવાલને પાયાવિહોણા ગણાવ્યા છે. ભારતે કહ્યું- આ મહિનાના અંતમાં યોજાનારી વાતચીત શિડ્યુલ મુજબ થશે.
ખાલિસ્તાન સમર્થકોએ 19 માર્ચે લંડનમાં ભારતીય હાઈ કમિશનની બહાર વિરોધ દર્શાવ્યો હતું. આ દરમિયાન કમિશન પરના અમારા તિરંગાને હટાવી દેવામાં આવ્યો હતો અને બિલ્ડિંગમાં તોડફોડ કરી હતી. આ મુદ્દે બંને દેશોના સંબંધોમાં પણ ખટાશ જોવા મળી હતી.
બ્રિટિશ અખબાર 'ધ ટાઈમ્સ યુકે' દ્વારા સોમવારે જાહેર કરાયેલા અહેવાલમાં કહ્યું છે કે - ભારતે બ્રિટિશ સરકાર સાથેના વેપાર સંબંધો પરની વાતચીતને હાલમાં સ્થગિત કરી દીધી છે. ભારત ઈચ્છે છે કે ઋષિ સુનક સરકાર આ હુમલાની માત્ર નિંદા જ નહીં, પરંતુ વિરોધમાં સામેલ લોકો સામે કાર્યવાહી પણ કરે. હવે બ્રિટન પર ખાલિસ્તાન સમર્થકો સામે કડક કાર્યવાહી કરવાનું દબાણ છે.
રિપોર્ટમાં વધુમાં કહેવામાં આવ્યું છે કે- તાજેતરમાં બે ઘટનાઓને કારણે ભારત અને બ્રિટનના સંબંધોમાં કડવાશ આવી છે. પ્રથમ- બીબીસીએ વડાપ્રધાન મોદી પર એક વિવાદાસ્પદ ડોક્યુમેન્ટ્રી રિલીઝ કરી. આ પછી, આવકવેરા વિભાગે નવી દિલ્હીમાં તેમની ઓફિસ પર કાર્યવાહી કરી. બીજું- ખાલિસ્તાનીઓએ પ્રદર્શન કર્યું અને લંડનમાં ભારતીય હાઈ કમિશનમાં તોડફોડ કરી. ત્યાં તિરંગો હટાવ્યો. જો કે, બાદમાં સ્ટાફે ત્યાં પહેલા કરતા મોટો તિરંગો ફરકાવ્યો હતો.
